Rýslan Turǵanaly
Rýslan Turǵanalyǵa qatysty jańalyqtar, suhbattar, pikirler jáne saraptamalyq materıaldar jınaǵy. Rýslan Muhtaruly Turǵanaly — Qazaqstan Respýblıkasy Prezıdenti Ákimshiliginiń Memlekettik qyzmet bóliminiń meńgerýshisi. Ol 1986 jyly Jambyl oblysynda dúnıege kelgen. 2008 jyly Qazaq gýmanıtarlyq-zań ýnıversıtetin, 2016 jyly «Bolashaq» baǵdarlamasy boıynsha Ulybrıtanııanyń Nottıngem ýnıversıtetin támamdaǵan. Mamandyǵy boıynsha halyqaralyq quqyq bakalavry jáne memlekettik saıasat magıstri. Eńbek jolyn 2009 jyly Qazaqstan Respýblıkasy Ádilet mınıstrliginde bastaǵan. 2009–2011 jyldary Zańnama departamentinde sarapshy, Zańǵa táýeldi aktiler departamentinde bas sarapshy qyzmetterin atqarǵan. 2011 jyly Prezıdent Ákimshiliginiń Memlekettik-quqyqtyq bólimine sarapshy bolyp qabyldanyp, keıin keńesshi jáne ınspektor laýazymdarynda jumys istegen. 2016–2018 jyldary Memlekettik qyzmet jáne kadr saıasaty bóliminde ınspektor jáne sektor meńgerýshisi bolǵan. 2018–2019 jyldary Ulttyq ekonomıka mınıstrliginiń Adamı resýrstarmen jumys isteý departamentin basqarǵan. 2019–2021 jyldary Prezıdent Ákimshiliginiń Memlekettik qyzmet jáne kadr saıasaty bóliminde sektor meńgerýshisi, 2021 jyldan bastap bólim meńgerýshisiniń orynbasary qyzmetterin atqarǵan. 2022 jylǵy 22 maýsymda Memlekettik qyzmet jáne kadr saıasaty bóliminiń meńgerýshisi, al 2023 jylǵy 1 qyrkúıekte Memlekettik qyzmet bóliminiń meńgerýshisi bolyp taǵaıyndalǵan. «Qurmet» ordenimen jáne «Eren eńbegi úshin» medalimen marapattalǵan.