Marat Temirjanov

Marat Temirjanovqa qatysty jańalyqtar, suhbattar, pikirler jáne saraptamalyq materıaldar jınaǵy. Marat Qaparuly Temirjanov 2025 jylǵy 18 tamyzdan bastap Abaı oblysynyń tabıǵı resýrstar jáne tabıǵat paıdalanýdy retteý basqarmasynyń basshysy qyzmetin atqarady. Ol 1972 jylǵy 1 qańtarda Shyǵys Qazaqstan oblysy Kókpekti aýdanynyń Uzynbulaq aýylynda dúnıege kelgen. Semeı memlekettik ýnıversıtetin «Zootehnııa» mamandyǵy boıynsha, Shákárim atyndaǵy Semeı memlekettik ýnıversıtetin «Ekonomıka» mamandyǵy boıynsha támamdaǵan. Eńbek jolyn 1993 jyly Kókpekti aýdanyndaǵy «Úlgilimalshy» keńsharynda veterınarlyq tehnık bolyp bastaǵan. Ár jyldary aýyl sharýashylyǵy, telekommýnıkatsııa jáne qarjy salalarynda jumys istegen. 2006–2009 jyldary Kókpekti aýdanynyń aýyl sharýashylyǵy bóliminiń bas mamany, 2009–2010 jyldary Beloe aýyldyq okrýginiń ákimi, 2010–2015 jyldary aýdannyń aýyl sharýashylyǵy jáne veterınarııa bóliminiń basshysy, 2015–2025 jyldary Kókpekti aýdany ákiminiń orynbasary bolǵan. 2025 jylǵy aqpannan bastap Borodýlıha aýdany ákiminiń orynbasary qyzmetin atqarǵan.