Marat Áshim

Marat Áshimge qatysty jańalyqtar, suhbattar, pikirler jáne saraptamalyq materıaldar jınaǵy. Marat Kenjeǵalıuly Áshim — Qazaqstan Respýblıkasy Prezıdentiniń keńesshisi – Prezıdent Protokoly qyzmetiniń bastyǵy. Ol 1987 jyly Almaty qalasynda dúnıege kelgen. Abaı atyndaǵy Qazaq ulttyq pedagogıkalyq ýnıversıtetinde halyqaralyq quqyq jáne ekonomıka men bıznes baǵyttary boıynsha bilim alǵan. Sonymen qatar Qazaqstan Respýblıkasy Prezıdentiniń janyndaǵy Memlekettik basqarý akademııasynyń Dıplomatııa ınstıtýtynda magıstratýrany támamdaǵan. Eńbek jolyn 2008 jyly jeke kompanııada zańger bolyp bastaǵan. 2009 jyldan bastap Qazaqstan Respýblıkasy Syrtqy ister mınıstrliginde, keıin Memlekettik protokol qyzmetinde jumys istegen. 2012–2017 jyldary Prezıdent Ákimshiliginiń Prezıdent protokolynda referent, sarapshy, konsýltant jáne ınspektor qyzmetterin atqarǵan. 2017–2018 jyldary Prezıdent protokolynyń sektor meńgerýshisi, 2018 jyldan bastap Prezıdent protokoly basshysynyń orynbasary bolǵan. 2023 jylǵy 15 naýryzda Prezıdent Protokoly qyzmetiniń bastyǵy bolyp taǵaıyndalǵan. 2025 jylǵy 9 qyrkúıekte Qazaqstan Respýblıkasy Prezıdentiniń keńesshisi – Prezıdent Protokoly qyzmetiniń bastyǵy laýazymyna taǵaıyndaldy. Dıplomatııalyq dárejesi — II synypty Tótenshe jáne Ókiletti Ýákil. «Qurmet» ordenimen jáne «Eren eńbegi úshin» medalimen marapattalǵan.