Qýat Sandalov
Qýat Jalalıtdenuly Sandalov — Qazaqstan Respýblıkasy Prezıdenti Ákimshiliginiń Tsıfrlandyrýdy damytý bóliminiń meńgerýshisi. Ol 1986 jylǵy 6 jeltoqsanda dúnıege kelgen. 2008 jyly L.N. Gýmılev atyndaǵy Eýrazııa ulttyq ýnıversıtetiniń matematıka jáne aqparattyq tehnologııalar fakýltetin támamdaǵan. 2023 jyly Nazarbaev Ýnıversıtetinde Executive MBA dárejesin alǵan. Eńbek jolyn 2008 jyly «Mobile Realty» JShS-de IT mamany bolyp bastaǵan. 2009–2010 jyldary «Ulttyq aqparattyq tehnologııalar» AQ-da bas sarapshy jáne IT sáýletshisi, 2010–2014 jyldary «ENRC Kazakhstan» JShS-de aqparattyq júıeler menedjeri jáne baǵdarlamalyq qosymshalar sáýletshisi qyzmetterin atqarǵan. 2014–2016 jyldary TIMWE kompanııasynda baǵdarlamalyq qosymshalardy ázirleý jónindegi joba menedjeri bolǵan. 2016–2024 jyldary «Qazaqtelekom» AQ-nyń IT departamentinde túrli laýazymdarda jumys istep, tsıfrlandyrý jáne úlken derekterdi basqarý jónindegi dırektor qyzmetin atqarǵan. 2024 jylǵy 1 tamyzda Prezıdent Ákimshiliginiń Tsıfrlandyrýdy damytý bóliminiń meńgerýshisi bolyp taǵaıyndalǵan. 2025 jyly «Eren eńbegi úshin» medalimen marapattalǵan.