Azamat Keskinbaev
Azamat Keskinbaevqa qatysty jańalyqtar, suhbattar, pikirler jáne saraptamalyq materıaldar jınaǵy. Azamat Baqytjanuly Keskinbaev — Qazaqstan Respýblıkasy Prezıdenti Ákimshiliginiń kólik-logıstıka salasyn damytý bóliminiń meńgerýshisi. Ol 1986 jyly Túrkistan oblysy Otyrar aýdanynyń Sháýildir aýylynda dúnıege kelgen. 2009 jyly Máskeý memlekettik ýnıversıtetin «Matematıka» mamandyǵy boıynsha támamdaǵan. 2011 jyly Máskeýdegi Joǵary ekonomıka mektebinde ekonomıka magıstri dárejesin alǵan. 2025 jyly Nazarbaev ýnıversıteti men Dıýk ýnıversıtetiniń birlesken Executive MBA baǵdarlamasy boıynsha magıstr dárejesin ıelengen. Eńbek jolyn 2011 jyly Máskeýdegi kompanııalar tobynda algorıtmdik saýda salasyndaǵy komandanyń jetekshisi bolyp bastaǵan. 2015–2019 jyldary «Qazposhta» AQ-da bas menedjer, strategııa jáne ekonomıkalyq taldaý departamentiniń dırektory, 2019–2020 jyldary ekonomıka jáne keńeıtilgen analıtıka departamentiniń dırektory qyzmetterin atqarǵan. 2020–2022 jyldary «ForteBank» AQ-da qarjylyq taldaý baǵytyn basqarǵan. 2022–2025 jyldary «Qazposhta» AQ-nyń qarjy jónindegi basqarýshy dırektory ári basqarma múshesi bolǵan. 2025 jylǵy 23 jeltoqsanda Prezıdent Ákimshiliginiń kólik-logıstıka salasyn damytý bóliminiń meńgerýshisi bolyp taǵaıyndalǵan.