Álıhan Jamsatov
Álıhan Jamsatovqa qatysty jańalyqtar, suhbattar, pikirler jáne saraptamalyq materıaldar jınaǵy. Álıhan Qaıyrgeldiuly Jamsatov — Qazaqstan Respýblıkasy Prezıdenti Ákimshiliginiń Memlekettik baqylaý bóliminiń meńgerýshisi. Ol 1983 jyly Pavlodar oblysynda dúnıege kelgen. 2004 jyly Qazaq memlekettik zań akademııasyn «Quqyqtaný» mamandyǵy boıynsha, 2012 jyly S. Toraıǵyrov atyndaǵy Pavlodar memlekettik ýnıversıtetin «Qurylys» mamandyǵy boıynsha, 2014 jyly L.N. Gýmılev atyndaǵy Eýrazııa ulttyq ýnıversıtetin «Saıasattaný» mamandyǵy boıynsha támamdaǵan. Eńbek jolyn 2004 jyly Pavlodar qalasyndaǵy «Energotsentr» AQ-da zańger-keńesshi bolyp bastaǵan. Ár jyldary Pavlodar oblysynyń memlekettik organdarynda, Qazaqstan Respýblıkasy Parlamentiniń Sharýashylyq basqarmasynda jáne Memlekettik qyzmet isteri agenttiginde basshylyq qyzmetter atqarǵan. 2019–2022 jyldary Qazaqstan Respýblıkasy Prezıdenti Іs basqarmasynyń Resmı is-sharalar jáne syrtqy baılanystar bólimin basqarǵan. 2022–2024 jyldary Prezıdent Іs basqarmasynyń Materıaldyq-tehnıkalyq qamtamasyz etý basqarmasynyń basshysy bolǵan. 2024–2025 jyldary Prezıdent Ákimshiliginiń Memlekettik baqylaý bólimi meńgerýshisiniń orynbasary qyzmetin atqarǵan. 2025 jylǵy 25 qyrkúıekte Prezıdent Ákimshiliginiń Memlekettik baqylaý bóliminiń meńgerýshisi bolyp taǵaıyndalǵan. «Qurmet» ordenimen jáne «Eren eńbegi úshin» medalimen marapattalǵan.