Abaı Beısembaev
Abaı Beısembaevqa qatysty jańalyqtar, suhbattar, pikirler jáne saraptamalyq materıaldar jınaǵy. Abaı Aıdarhanuly Beısembaev — Qazaqstan Respýblıkasynyń memlekettik qaıratkeri. Ol 1967 jylǵy 21 mamyrda Kókshetaý oblysynda dúnıege kelgen. 1992 jyly M.V. Lomonosov atyndaǵy Máskeý memlekettik ýnıversıtetiniń saıasattaný fakýltetin, 1996 jyly T. Rysqulov atyndaǵy Qazaq memlekettik basqarý akademııasynyń janyndaǵy Naryq ınstıtýtyn támamdaǵan. Saıasattaný ǵylymdarynyń kandıdaty. Eńbek jolyn 1984 jyly Kókshetaý oblysyndaǵy qurylys-montaj basqarmasynda jumysshy bolyp bastaǵan. Ár jyldary Qazaqstan Respýblıkasy Ǵylym akademııasynyń Ekonomıka ınstıtýtynda, Memlekettik múlik jónindegi memlekettik komıtette, Prezıdent janyndaǵy Ekonomıkalyq konsýltanttar keńesinde jáne Baǵaly qaǵazdar jónindegi ulttyq komıssııada qyzmet atqarǵan. 1996–2006 jyldary «Azyq-túlik kelisimshart korporatsııasy» qurylymynda vıtse-prezıdent, birinshi vıtse-prezıdent jáne prezıdent laýazymdarynda jumys istegen. 2006–2012 jyldary Qazaqstan Respýblıkasy Prezıdenti Іs basqarýshysynyń orynbasary, 2012 jylǵy 21 qyrkúıekten 2019 jylǵa deıin Prezıdent Іs basqarýshysy bolǵan. 2019 jylǵy naýryzda Qazaqstan Respýblıkasynyń Tuńǵysh Prezıdenti – Elbasynyń kómekshisi bolyp taǵaıyndalǵan.