Zyrıanovskide 8 jasar qyz joǵalyp ketti
ÓSKEMEN. QazAqparat - Zyrıanovsk qalasynda joǵalyp ketken segiz jasar qyzdy izdelýde. Ekinshi synyp oqýshysy keshe joǵalyp ketken. Ol mektepke ketip, úıine qaıtyp oralmaǵan, dep habarlady «QazAqparat» HAA tilshisi.
Erikti izdeýshilerdi uıymdastyrýshy Natalıa qyzdyń anasy ol mektepten ýaqytynda úıine kelmegennen keıin izdeı bastaǵanyn aıtty. Sońǵy ret ony Rýdnyı kóshesi boıynsha saǵat 12.30-da avtobýs aıaldamasynan kórgen.
Polıtsııada balany jeke quram izdep jatqanyn habarlady. Oblystyq ishki ister departamentiniń mamandary kómekke shyqty.
