Zyrıandaǵy Lenın eskertkishiniń ornyna fontan salynbaq
ÓSKEMEN. QazAqparat - Zyrıan qalasynyń basshylyǵy jańa túrli-tústi mýzykalyq fontan salýdy josparlap otyr. Osyǵan baılanysty jergilikti bılik turǵyndardyń usynys-pikirin tyńdady, dep habarlaıdy Altaınıýs.
Aýdan ortalyǵynyń resmı saıtynda habarlanǵandaı, fontannyń dıametri 25 metr bolady. Oǵan 110-120 shyraq ornatylatyn kórinedi. Sý burqaǵynyń bıiktigi 15, eń alasa jeri keminde 7 metrge jetedi deıdi. Nysannyń quny shamamen 60 mıllıon teńgeni quraýy múmkin.
Endigi suraq, fontandy qalanyń qaı jerine ornalastyrǵan jón? Turǵyndar buǵan qatysty ártúrli pikir bildirdi. Degenmen kópshiligi Ortalyq alańdaǵy Lenın eskertkishin alyp tastap, ornyna fontandy qoıýdy quptap otyr.
