Zyrıanda jumyrtqa kóleminde burshaq jaýdy
ZYRıAN. QazAqparat - Shyǵys Qazaqstan oblysynyń Zyrıan aýdanynda bódene jumyrtqasynyń kóleminde burshaq jaýdy, dep habarlaıdy QazAqparat YK-news.kz saıtyna silteme jasap.
29 tamyz kúni Zýbovsk kentinde tabıǵat tosyn minez tanytty. Turǵyndardyń aıtýynsha, az ǵana ýaqytqa jalǵasqan jańbyrdan keıin eldi mekenge iri kólemde burshaq jaýdy.
Aýyl turǵyndary mundaı jaýyn-shashyndy kórmegeli biraz bolǵan. Burshaq baý-baqshany túgelimen zaqymdady.
«Mashınany garajǵa áreń tyǵyp úlgerdim. Jańbyr men burshaq bastalyp ketti», - deıdi Alla.
Eske salaıyq, «Qazgıdromet» aýa raıyna baılanysty Shyǵys Qazaqstan oblysynda eskertý jarııalaǵan bolatyn.
