Zyrıanda er adam órtten qutqaryldy
ÓSKEMEN. QazAqparat - Zyrıanda órt sóndirýshiler er adamnyń ómirin saqtap qaldy, dep habarlaıdy QazAqparat tilshisi.
Búgin Zyrıandaǵy 3 qabatty turǵyn úıde órt shyǵyp, ulymen birge turatyn zeınetkerdiń páteri jandy. Órt sóndirýshiler jetkenshe qart ananyń úıden shyǵýyna kórshileri kómektesken. Ol qalalyq aýrýhanaǵa jetkizildi.
Turǵyn úıden sábıi bar áıeldi qosa sanaǵanda 4 eresek pen 4 bala qaýipsiz jerge kóshirildi.
«Baspaldaqtan túsý múmkin emes edi. Óıtkeni kireberis qoıý qara tútinge orandy. Órt sóndirýshiler turǵyndardy satymen túsirdi», - deıdi №3 mamandandyrylǵan órt sóndirý bólimshesiniń bastyǵy Erjan Ómirbaev.
Qart ananyń uly ekinshi qabattyń edeninde es-tússiz kúıde tabyldy. Ony qutqarýshylar jyldam syrtqa shyǵardy. Taza aýaǵa shyqqan soń ol esin jıdy.
Jalyn 16 sharshy metr aýmaqty sharpyǵan.
Oqıǵanyń mán-jaıy tekserilip jatyr. Aldyn ala málimetterge qaraǵanda, órttiń shyǵýyna temekiniń tuqyly sebep bolýy múmkin.
