Zyrıanda 27 úı sý astynda qaldy - ıÝrıı Ilın
ASTANA. QazAqparat - QR Іshki ister mınıstriniń orynbasary ıÝrıı Ilın Shyǵys Qazaqstan oblysy Zyrıan aýdanyndaǵy sý tasqyny jaǵdaıy týraly málimdeme jasady, dep habarlaıdy QazAqparat tilshisi.
«Qazirgi ýaqytta Zyrıan aýdanyndaǵy Tótenshe jaǵdaı saldary áli joıylǵan joq. Zyrıan qalasynan sý shyǵarý jumystary jalǵasýda, 27 úı-jaı sý astynda qaldy. Bizdiń bólimsheler de, ákimdik te jumys istep jatyr. Qazir ákimdik Úkimetke aqshalaı qarajat bólý týraly ótinishhat joldaıdy. Shyǵyndy esepteý jumystary júrgizilgen soń, ákimdiktiń resmı haty kórsetiledi", - dep jaýap berdi ıÝ. Ilın jýrnalıster suraǵyna Úkimet otyrysy barysynda.
Sondaı-aq, mınıstrdiń orynbasary Shúlbi sý qoımasyna aǵyp jatqan sý kóleminiń de azaıǵanyn atap ótti. Bastapqyda sekýndyna 1800 tekshe metr sý quıylatyn bolsa, búginde sý qoımasyna 1400 tekshe metr sý kelýde.
Aqmola oblysy boıynsha mınıstr sý tasqynynan keletin esh qaýip joq ekenin málimdedi.
«Aqmola oblysynda daýyldy eskertýler jarııalanǵan bolatyn, qazir jergilikti mańyzy bar joldardyń jabynyna jetken sý aǵyndaryn qadaǵalap otyrmyz. Bul sýlar eldi mekenderge jetken joq. Baqylaý jumystaryn júrgizip jatyrmyz. Ázirge, Jabaı ózeni aýmaǵynda 60-70 santımetrlik qar qory bar. Odan tónetin esh qaýip joq", - dedi ıÝrıı Ilın.
