Zyrıan aýdany men qalasy túbegeıli Altaı dep atalatyn boldy
ÓSKEMEN. QazAqparat - Zyrıan aýdany men qalasy túbegeıli Altaı dep atalatyn boldy. Bul týraly Shyǵys Qazaqstan oblysynyń ákimi Danıal Ahmetov óńirlik «Altaı» telearnasynda ótken tikeleı efır barysynda málimdedi, dep habarlaıdy QazAqparat tilshisi.
Óńirlik «Altaı» arnasyndaǵy jyl jetistikterin qorytyndylaǵan tikeleı efırde Danıal Ahmetov budan bylaı Zyrıan aýdany men qalasyn Altaı dep ataı berýge bolatynyn atady.
«Zyrıan aýdanynda Turǵysyn sý elektr stansasy salynyp jatyr. Endi bul aýdandy Altaı deı bersek te bolady» - dedi oblys ákimi.
Onyń aıtýynsha, aýdan men qalanyń atyn aýystyrý týraly Úkimettiń tıisti qaýlysy da shyqqan.
«Bir kún buryn ǵana Zyrıan aýdany men qalasyn Altaı dep ataýǵa negiz bolatyn Úkimet qaýlysyna qol qoıyldy. Oblysta 8000-ǵa jýyq kóshe bar. Bıyl sonyń 314-in jańaladyq» - dedi Danıal Ahmetov.
Osydan úsh aı buryn bul másele qoǵamdyq tyńdaýda talqylanyp, aýdandyq máslıhat depýtattary men jergilikti qoǵamdyq uıym músheleriniń qoldaýymen respýblıkalyq onomastıkalyq komıssııa qaraýyna jiberilgen bolatyn.
