Zymyrannyń bóligi qulaǵan jerdegi órt 12 saǵatqa sozylǵan
Mınıstrliktiń aqparatynsha, órtti sóndirý kezinde qaza tapqan 1964 jylǵy Hatıýshın ıÝrıı Andreevıch, sonymen birge zardap shegýshi 1968 jylǵy Tyts Vıacheslav Pavlovıch ekeýi Qazaqstan azamattary, olar reseılik «VPK «NPO mashınostroenııa» AQ-nyń jer betinde izdeý júrgizý tobynda jumys istegen. Vıacheslav Tyts Jezqazǵan ortalyq aýrýhanasynyń travmatologııa bólimine 2-3 dárejeli kúıikpen jatqyzylǵan. Qazir oǵan qajetti medıtsınalyq kómek kórsetilýde.
Qorǵanys jáne aeroǵarysh ónerkásibi mınıstrligi baspasóz qyzmeti taratqan habarlamada, zymyran tasyǵyshtyń qulaǵan bóligindegi geptılge qatysty aqparat shyndyqqa sáıkes kelmeıdi. «Soıýz-2.1a» zymyran tasyǵyshynyń qozǵaltqyshyna otyn retinde suıyq ottegi men kerosın paıdalanylady.
Tótenshe oqıǵanyń jaı-japsaryn keltire otyra baspasóz qyzmeti, «Soıýz-2.1a» zymyran tasyǵyshyn ushyrý Baıqońyr aılaǵynda 31 alańnan Astana ýaqytymen 14 maýsymda 15.20-da júrgizilgendigin eske saldy.
Zymyrannyń ushýy qalypty rejimde ótken. 117 sekýndta bastapqy bólik ajyraǵan. Onyń bólshekteri belgilengen tusqa Qaraǵandy oblysy Ulytaý aýdany Talap kentinen 20 shaqyrym jerge qulaǵan.
Zymyran bólikteriniń qulaýy saldarynan dala órtengen. Ekpini 18 m/s-ǵa jetken qatty jel kezinde órt 10 myń gektar aýmaqqa taralǵan. Jalyn tek 15 maýsymda saǵat 03.31-de on eki saǵattan keıin tolyq sóndirilgen.
Foto: RIA Novostı
