Zymyran tasyǵysh bóligi qulaýynan shyqqan órttiń sebebi anyqtaldy
ASTANA. QazAqparat - Baıqońyr ǵarysh aılaǵynan ushqan «Soıýz 2.1a» zymyran tasyǵyshynyń bólingen bólshekteri qulaýy saldarynan shyqqan órttiń sebepterin teksergen arnaıy komıssııa óziniń jumysyn aıaqtady, dep habarlaıdy QazAqparat tilshisi.
Eske sala keteıik, 2017 jyly 14 maýsymda Baıqońyr ǵarysh aılaǵynan ushqan «Soıýz 2.1a» zymyran tasyǵyshynyń bólingen bólshekteri qulaýynan Qaraǵandy oblysy Ulytaý aýdanynda alqap órtendi. Tótenshe jaǵdaıdan «KamAZ» mashınasynyń júrgizýshi ıÝrıı Hatıýshkın qaza taýyp, onyń áriptesi Vıacheslav Tyts aýyrýhanaǵa jetkizilgen bolatyn. Ol keshe kóz jumdy. Bul týraly buǵan deıin habarlaǵan bolatynbyz.
Qaraǵandy oblysynda oqıǵa ornynda 21-28 maýsym aralyǵynda jumys istegen komıssııa quramyna QR ІІM TJK, oblys ákimdigi, «Roskosmos» ǵarysh qyzmeti memlekettik korporatsııasy «Mashına jasaý ǴÓB» kásiporynyń ókilderi kirdi, dep habarlady QR Qorǵanys jáne aeroǵaryshtyq ónerkásip mınıstrliginiń baspasóz qyzmeti.
Komıssııa jumysynyń nátıjesi boıynsha órt kúrdeli aýa raıy jaǵdaıynda tehnogendik sıpatta oryn alǵany týraly tujyrym jasaldy. «Soıýz-2.1a» zymyran tasyǵyshyn ushyrǵan kúni bólshekter qulaǵan aýmaqta +35 gradýs ystyq, jeldiń kúshi 15-20 m/s bolǵan.
Baspasóz qyzmeti taratqan habarlamada osyndaı oqıǵalardyń qaıtalanýyna jol bermes úshin reseılik jáne qazaqstandyq mamandar birqatar shara qabyldaıtyndyǵy aıtylǵan.
