Zymyran synyqtarynyń qulaýyna baılanysty Shahtınsk turǵyndary evakýatsııalanady

HABAROVSK. QazAqpaart – Reseıdiń Habarovsk ólkesinde 11 tamyzda «Soıýz-2.1b» zymyranynyń satysy qulaýy múmkin. Soǵan baılanysty kentterdiń birinen turǵyndar evakýatsııalanady, dep habarlaıdy QazAqparat TASS-qa silteme jasap.

«Zymyran synyqtary qulaýy yqtımal aımaqqa Ýmalta, Ýssamah, Lepıkan, Tastaq, Saǵanar ózenderiniń saǵasy men Býreıa ózeniniń ótkeli kiredi. Shahtınsk turǵyndary 11 tamyz saǵat 7:30-da (m.ý. 14:30) evakýatsııalanady», - dep jazdy Verhnebýreınsk aýdanynyń basshysy Alekseı Maslov Telegram kanalynda.

Maslov atap ótkendeı, 7 tamyzda aýdan aýmaǵynan «Lýna-25» spýtnıgi bar zymyran-tasyǵysh ótken kezde áreket etý josparyn qurý boıynsha shtabtyń birinshi otyrysy ótti. Aımaq basshysy atap ótkendeı, qulaý qaýpi bar aımaqqa barýǵa tyıym salynǵan.

Aıta ketseks, Vostochnyı ǵarysh aılaǵynan 11 tamyzda qazirgi Reseı tarıhynda alǵash ret «Lýna-25» Jer serigine «Soıýz-2.1b» zymyranyn ushyrý josparlanyp otyr.