Zymyran bólshekteri qulaıtyn Qaraǵandy oblysynyń qalalarynda oqý-jattyǵý ótedi
Oqý-jattyǵýǵa oblystyń apattyq-qutqarý qyzmetteri jáne basqarý organdary tartylatyn bolady jáne ol zymyran-tasyǵyshtar ushatyn jol boıynda ornalasqan aýdandarda ótedi. Atap aıtqanda, Jezqazǵan men Sátbaev qalalary, Aqtoǵaı, Qarqaraly, Jańaarqa, Nura, Shet jáne Ulytaý aýdandarynda. Oqý-jattyǵýdy basqaratyn shtab - Qaraǵandy oblysynyń Tótenshe jaǵdaılar departamenti, al kóshpeli shtab Jezqazǵan qalasynda ornalasady.
Budan bólek, Qaraǵandy qalasynda «Magným» saýda úıine jaqyn jerde raketalar ushyrylǵan kezde bolýy múmkin apattardyń saldaryn joıýǵa jumyldyrylatyn qurylymdardyń daıyndyq deńgeıi tekseriletin bolady. Sondaı-aq osy jerde tótenshe jaǵdaı aımaǵynda radıatsııalyq-hımııalyq barlaý júrgizý, zymyran-tasyǵyshtyń bólshekterin izdeý jáne jınaý boıynsha tájirıbelik sharalar ótedi.
