Zymyran bólshekteri eldi mekenge qulady
ASTANA. 4 jeltoqsan. QazAqparat - Qytaıdyń Aıǵa attandyrǵan apparatyn alyp ushqan "Chane-3" zymyranynyń bólshekteri jer betine, zymyran ushyrylǵan aýmaqtan myń shaqyrymnan astam qashyqtyqqa qulady.
Qytaılyq Xiaoxiang Post gazetiniń habarlaýynsha, zymyran bólshekteri Hýnan provıntsııasyndaǵy 11 aýyldyń aýmaǵyna túsken. Bul aımaqta 160 myńnan astam halyq turady. Oqıǵadan eshkim zardap shekpegen, tek eki úıdiń shatyry ǵana qıraǵan dep habarlandy.
Aıda júretin apparat tıelgen "Chane-3" zymyrany Sychýan provıntsııasyndaǵy Sıchan ǵarysh aılaǵynan 2 jeltoqsanǵa qaraǵan túni ushyrylǵan edi, dep habarlaıdy «Azattyq».
Ol Aıǵa 14 jeltoqsanda qonyp, Aıdyń betin zertteıtin 90 kúndik mıssııasyna kirisedi dep josparlanyp otyr.
