Zulys taıpasynyń kósemderi qabylan terisinen jasalatyn kıimnen bas tartty
ASTANA. QazAqparat - OAR tabıǵat qorǵaýshylary zulystardy qabylan terisinen tigilgen dástúrli kıimderin sıntetıkaǵa aýystyrýǵa kóndirdi.
Ázirge olarmen tek Kvazýlý-Natal provıntsııasyndaǵy afrohrıstıandyq Shembe sektasyndaǵylar ǵana kelispeı otyrǵan kórinedi. Degenmen belsendilerdiń aıtýynsha, bul baǵytta alǵashqy jáne óte mańyzdy qadam jasaldy.
Tabıǵat janashyrlary kópten beri zulys taıpalary kósemderiniń osynaý dástúrli kıimderi qabylandardyń azaıyp ketýiniń birden bir sebebi ekendigine qoǵam nazaryn aýdaryp keledi.
Qarapaıyp zulystar muny moıyndaǵanymen, kóptegen ǵasyrlar boıy jalǵasyp kele jatqan dástúrge qarsy tura almaýshy edi.
Aıta keter jaıt, qabylan terisin kóbinese tek zulystardyń kósemderi ǵana kıedi. Al qarapaıym adamdar úshin tym qymbat. Sodan da bolar, olar baǵasy nebári 25 dollar turatyn sıntetıkaǵa jappaı bet buryp jatyr, dep habarlaıdy sheteldik BAQ.
