Zúlfııa Súleımenova jazyq aımaqtardaǵy ylǵal qoryn jarııa etti
«2023 jylǵy 10 qańtar kúngi merzimdegi «Qazgıdromet» RMK bergen boljamǵa sáıkes, respýblıkanyń jazyqtyqty aımaqtarynda ylǵal qory kópjyldyq mánimen salystyrǵanda joǵary: Aqmola, Soltústik-Qazaqstan, Qaraǵandy, Qostanaı oblystarynda, Aqtóbe oblysynyń Іlek basseıninde. Jekelegen ózen basseınderi kópjyldyq ortasha mánder kórsetkishinde: Qostanaı oblysynyń ózen basseınderi, Aqmola oblysynda jáne Aqtóbe oblysynda Or basseıni. Kópjyldyq ortasha mánderden tómen kórsetkishi bar ózen basseınderi Batys-Qazaqstan, Atyraý, Aqtóbe jáne Qaraǵandy oblysynyń Nura ózeni men Qostanaı oblysynyń Toǵaı ózeni basseınderinde baıqalady», - dedi mınıstr búgin Úkimet otyrysynda.
Osy rette ol 2022 jylǵy 31 jeltoqsandaǵy qar ólsheý marshrýttarynyń derekteri boıynsha eldiń taýly bóliginde qar qory boıynsha jaǵdaıǵa toqtaldy.
«Shyǵys Qazaqstan oblysyndaǵy Ertis ózeniniń sol jaǵalaýyndaǵy salalarynda ortasha kópjyldyq mánderden 76 paıyzǵa deıin joǵary. Buqtyrma jáne Shúlbi sý qoımalarynyń aımaqtarynda, sondaı-aq Shyǵys Qazaqstan jáne Abaı oblystarynyń Tarbaǵataı jotasynyń ońtústik-batys betkeılerinde ortasha kópjyldyq mánder sheginde. Ońtústik Qazaqstan óńirleriniń taýlaryndaǵy qar qory ortasha kópjyldyq mánderden tómen. 2023 jylǵy qańtar aıynyń birinshi toqsanyndaǵy taýly jáne taý bókterindegi meteostantsııanyń aqparaty boıynsha jaýyn-shashyn kórsetkishi normadan 1-4 ese joǵary. 2023 jylǵy qańtardaǵy taýly aýmaqtaǵy qar qorynyń kólemi týraly derekter 2023 jylǵy aqpannyń basynda aldyn ala gıdrologııalyq boljamda usynylatyn bolady», - dedi Zúlfııa Súleımenova.
Foto: t.me/Kzgovernment
