Zúlfııa Súleımenova birneshe orynbasary jumystan ketti degen aqparatqa pikir bildirdi

ASTANA. QazAqparat – Ekologııa jáne tabıǵı resýrstar mınıstri Zúlfııa Súleımenova «birneshe vıtse-mınıstr jumystan ketý jóninde ótinish jazdy» degen aqparatqa túsinik berdi, dep habarlaıdy QazAqparat tilshisi.

«Ózderińiz biletindeı, bizdiń mınıstrlik jýyrda qaıta quryldy. Qaıta qurý kezinde barlyq qyzmetker avtomatty túrde mindetin atqarýshy bolady. Shtat kestesi bekitilgennen keıin naqtylanady. Osyǵan baılanysty keıbir qyzmetkerler arasynda olardyń qalatyny nemese qalmaıtynyna qatysty aqparat tarady dep oılaımyn. Qaıta qurý kezinde bizdiń mınıstrliktiń keıbir quzyreti basqa organǵa berildi. Bul - kúrdeli protsess», - dedi Zúlfııa Súleımenova Úkimet otyrysynan keıin BAQ ókilderiniń saýalyna jaýap berip.

Sondaı-aq, vedomstvo basshysy mınıstrliktegi áriptesterine alǵysyn aıtty.

«Áriptesterim qalǵysy kelse de, basqa jumysqa aýysam dese de, árıne, biz olardyń sheshimin tek qana qoldaımyz. Men buǵan deıin búkil vıtse-mınıstrmen birge jumys istedim. Eger olar qalǵysy kelse, qýana kelisemiz. Al ózderin basqa salada synap kórgisi kelse, olardyń sheshimine qurmetpen qaraımyz jáne qoldaımyz», - deıdi ol.

Tilshilerdiń «birneshe vıtse-mınıstrdiń jumystan ketý týraly ótinish jazǵany ras pa?» degen saýalyna «menińshe, muny olardyń ózinen suraý kerek» dep qysqa jaýap qatty.

Foto: .parlam.kz