Zúlfııa Súleımenova AQSh-pen ornatylǵan metan kelisimi týraly aıtty

QR Prezıdentiniń Halyqaralyq ekologııalyq seriktestik boıynsha arnaıy ókili Zúlfııa Súleımenova Silk Way telearnasyndaǵy New Time baǵdarlamasyna suhbat berdi. Ol Dýbaıda ótken SOR-28 klımattyq konferentsııa aıasynda metan shyǵaryndylaryn azaıtý sharalaryn jedeldetý týraly Qazaqstan men AQSh-tyń ortaq málimdemesi jaıly aıtty, dep habarlaıdy Kazinform.

– Qazaqstan shyǵaryndylardy (metan shyǵaryndylaryn) 2030 jylǵa qaraı 30%-ǵa deıin qysqartý jahandyq bastamasyn qoldap, Metan shyǵaryndylaryn azaıtý jónindegi jahandyq mindettemege qosylý týraly sheshim qabyldady. Biz osy bastama aıasynda AQSh-pen kelissóz júrgizdik, - dep habarlady Zúlfııa Súleımenova.

Onyń sózinshe, Qazaqstan birneshe baǵyt boıynsha jumys isteýdi kózdep otyr, ıaǵnı metan shyǵaryndylaryn azaıtý jumystaryn tehnıkalyq turǵyda jedeldetý jáne belsendi etý. Onyń ishinde kómir shahtalaryndaǵy metan shyǵaryndylaryn azaıtý, kómir qyrtystaryn degazatsııalaý, munaı-gaz sektoryndaǵy tesikterdi (ýtechka) anyqtaý bar. 

– Ortaq málimdemede AQSh-tyń Qazaqstannyń munaı-gaz sektoryndaǵy metan shyǵaryndylaryn múmkin bolǵan deńgeıge deıin tómendetý maqsatynda ınvestıtsııalardy mobılızatsııalaý úshin seriktestermen jumys isteýge daıyn ekeni aıtylǵan. Oǵan keminde 1,4 mıllıard AQSh dollary qajet (jalpy shyǵyn), - dep atap ótti QR Prezıdentiniń halyqaralyq ekologııalyq seriktestik boıynsha arnaıy ókili. 

Jaqynda Memleket basshysy Qazaqstan Metan shyǵaryndylaryn azaıtý jónindegi jahandyq mindettemege qosylatynyn málim etken bolatyn. Osylaısha, Qazaqstan AQSh-pen birlesip metan shyǵaryndylaryn tez qysqartý saıasaty men jobalardy daıyndaýǵa ári júzege asyrýǵa daıyn. 

Buǵan deıin Qazaqstan men AQSh metan shyǵaryndylaryn azaıtý sharalaryn jedeldetý týraly ortaq málimdeme jasaǵany habarlanǵan bolatyn.