Zúlfııa Gabıdýllına áskerılerdiń marafonyn ashyp berdi
Jarysty Paralımpıada chempıony, júzýden halyqaralyq dárejedegi Qazaqstan sheberi, Qazaqstan paralımpıda quramasynyń kapıtany Zúlfııa Gabıdýllına ashyp berdi.
«Meni qurmetti qonaq retinde osy marafonǵa shaqyrylǵanyma rızashylyǵymdy bildiremin. Jeńiske umtylys, udaıy jattyǵý jáne ózińdi shynyqtyrý meniń ómirimniń basty sharty. Bul talap Qazaqstan armııasyna da qoıylady», - dedi Zúlfııa Gabıdýllına.
Áskerı bólimniń qurylǵanyna oraı ótkizilgen marafon qaladaǵy «Dostyq» alańynan bastaldy. Júgirýshiler Tóle bı dańǵylymen júrip otyryp Tuńǵysh Prezıdent saıabaǵynda márege jetti. Sporttyq sharaǵa Taraz garnızonynyń ofıtserleri men sarbazdary, QR UQK Shekara qyzmeti men Ulttyq ulannyń áskerı qyzmetkerleri qatysty.
«2000 jyly 5 tamyzda Ońtústik áskerı okrýg - qazirgi «Ońtústik» óńirlik qolbasshylyǵy qurylǵan kezde 85395 áskerı bólimi ashyldy. Bul 5-shi mehanıkalandyrylǵan brıgada. Bul áskerı bólim halyqaralyq mindettemelerge sáıkes QR Qorǵanys mınıstrliginiń ashyq jarııalanýy tıis nysandarynyń tizbesine engizildi», - dedi «Ońtústik» óńirlik qolbasshylyǵy baspasóz qyzmetiniń jetekshisi Dına Mýharınova.
Onyń aıtýynsha, Jambyl oblysynyń turǵyndary osy brıgadadan armııa, áskerı qyzmet jóninde alǵashqy áserdi alady.
«Qazirgi tańda bul - Qazaqstannyń Qarýly Kúshterindegi eń iri, Jambyl oblysyndaǵy jalǵyz áskerı brıgada bolyp sanalady. Sondyqtan bizdiń áskerı qyzmetkerler qandaı da bir áskerı is-qımyl kezinde alǵy shepte bolady degen sóz. Al, mehanıkalandyrylǵan degen ataýy onyń quramynda jaıaý áskerdiń mashınalary, tankter men zenıttik qondyrǵylardy bar degendi bildiredi», - deıdi Dına Mýharınova.
«Ońtústik» óńirlik qolbasshylyǵy 5-shi mehanıkalandyrylǵan brıgada quramynda motoatqyshtar, tankshiler, baılanysshylar, barlaýshylar, saperlar, zenıt atqyshtar, mınomet atqyshtar jáne basqa da kóptegen áskerı mamandar qyzmet etedi. Olar Qazaqstannyń ońtústigin qorǵaıdy.
«Marafonǵa deıin barlyq áskerı qyzmetshiler paradtyq kıimmen Tarazdyń qalalyq mádenıet úıindegi saltanatty jıynda bas qosty. Onda áskerı bólimniń qurylýy atalyp ótip men onyń barlyq komandırleri eske alyndy. 85395 áskerı bóliminiiń alǵashqy komandıri polkovnık Ashan Tasbolatov boldy, oǵan keıinnen general-leıtenant sheni berildi. Brıgadaǵa barlyǵy segiz komandır komandır basshylyq etken. Solardyń ekeýi general atandy. Ashan Tasbolatovtan basqa qazir Qazaqstan armııasynyń desanttyq-shabýyldaýshy áskeriniń qolbasshysy general-maıor Qaıdar Qaraqulovty aıtýǵa bolady», - deıdi Dına Mýharınova.
Avtor. Galına Skrıpnık
