Zúlfııa Chınshanlo álemniń úzdik aýyr atletshisi syılyǵyna ıe boldy
ASTANA. 10 sáýir. QazAqparat - Halyqaralyq aýyr atletıka federatsııasynyń kezekti kongresi kezinde atalmysh uıymnyń prezıdenti Tamash Aıan qazaqstandyq sportshy Zúlfııa Chınshanloǵa Ieno Boskovıch atyndaǵy syılyqty tabys etti, dep habarlaıdy Vesti.kz.
Bul syılyq ótken jyl qorytyndysy boıynsha úzdik ziltemirshilerge tapsyrylady. Laýreattardy búkil álemniń jankúıerleri anyqtaıdy. Bıylǵy jyly júlde bizdiń Chınshanlo men ırandyq Behdad Salımıkordashıabıge buıyrypty.
Tashkentte ótip jatqan aýyr atletıkadan jastar arasyndaǵy álem chempıonaty sheńberinde Halyqaralyq federatsııa óziniń kezekti kongresin ótkizip, onda Zúlfııa Chınshanlo shaqyryldy.
«Osy syılyqqa qol jetkizgenime qýanyshtymyn. Meniń Tashkentke bul alǵash kelýim. Men osynda taǵy birer kúnge aıaldap, álem chempıonatynda bizdiń sportshylarǵa jankúıer bolamyn», - dedi Zúlfııa.
Esterińizge sala ketsek, Ózbekstan astanasynda 8-11 sáýir aralyǵynda aýyr atletıkadan jastar arasyndaǵy álem chempıonaty ótip jatyr, oǵan bizdiń sportshylar da qatysýda.
