Zýlfııa Chınshallo Qazaqstan chempıonatynda 4 rekord jańartty
NUR-SULTAN. QazAqparat – Tokıo Olımpıadasynyń qola júldegeri Zýlfııa Chınshallo Qyzylorda qalasynda erler men áıelder arasynda ótip jatqan el chempıonatynda tórt rekordty jańartty, dep habarlaıdy QazAqparat tilshisi.
Qazaqstan aýyr atletıka federatsııasy málim etkenindeı, Zýlfııa 59 kelige deıingi salmaqta úzdik shyqty. Ol qossaıys qorytyndysynda 223 kelini (95+128) kóterdi.
Ekinshi orynǵa ıe bolǵan qarsylasyn 51 kelige artqa qaldyrǵan Z.Chınshallo Qazaqstannyń tórt rekordyna (julqa kóterýden eki, serpe kóterýden bir jáne qossaıys qorytyndysynda) qol jetkizdi.
Sonymen qatar qazaqstandyq aýyr atletke Ashhabad qalasynda 2018 jyly ótken álem chempıonatynyń qola júldesi de tabys etildi. Bul birinshilikte Zýlfııa besinshi orynǵa taban tiregen edi. Áıtse de onyń aldyndaǵy eki sportshynyń nátıjeleri joqqa shyǵarylǵandyqtan, Z.Chınshanlo úzdik úshtikke ilikken edi.
Z.Chınshallo el birinshiligine tyńǵylyqty daıyndalǵanyn, sondaı-aq álem chempıonatynyń júldesin alǵanyna qýanyshty ekendigin, budan bylaı da tynbaı eńbektene beretinin jetkizdi.
Zýlfııa Chınshallony osynaý tabysymen Ilıa Ilın Instagramdaǵy paraqshasynda quttyqtady.
«Búgin Zýlfııa Chınshallo serpe kóterýden 128 kg olımpıada rekordyna qol jetkizdi. Jalpy nátıje – 223 kg jáne álemdik reıtıngte 1-orynǵa kóteriledi. Saǵan ózińniń besinshi olımpıadańa baryp, altyn alýyńa tilektespin», dep jazdy I.Ilın.
Qazaqstan chempıonatyndaǵy alǵashqy eki kúnniń nátıjeleri mynadaı:
Áıelder. 45 keli
1. Aleksandra Belenko (59+76) – ShQO
2. Aınur Ábdihalyqova (59+72) – Jambyl oblysy
3. Alfııa Garıfýllına (57+73) – Almaty oblysy
49 keli
1. Darıa Balabanıýk (70+83) – Qaraǵandy oblysy
2. Aıym Muhametjanova (60+75) – Aqmola oblysy
3. Saltanat Qypshaqbaı (48+59) – Qyzylorda oblysy
55 keli
1. Aıgerim Aýylbek (76+94) Almaty obl.
2. Shynar Japar (73+86) Jambyl obl.
3. Bıbisara Janbolat (64+80) Almaty obl.
59 keli
1. Zýlfııa Chınshanlo (95+128) Almaty obl.
2. Altynaı Tánirbergenova (74+98) Qyzylorda obl.
3. Alına Kolıýshko (77+94) SQO
Erler. 55 keli
1. Arlı Chonteı (109+127) – Shymkent
2. Anatolıı Grýbov (110+125) – Almaty oblysy
3. Ernaz Alpysov (102+123) – ShQO
61 keli
1. Ótepbergen Álıev (121+145) BQO
2. Azamat Tólegen (113+138) Qyzylorda obl.
3. Jalǵas Seıtov (113+133) Aqmola obl.
Qazaqstan chempıonaty 23 sáýirge deıin jalǵasady.
