Zorlyqtyń qurbany bolǵan Balqash turǵyny ómiri úshin qaýiptenýde
ASTANA. QazAqparat - Zorlyqtyń qurbany bolǵan Nurgúl Qusylbekova ózine qııanat jasaǵandar taǵy da kesirin tıgizýi múmkin dep qaýiptenedi. Óıtkeni ol qylmys jasady dep aıyptaǵan er adamdar bostandyqta júr, dep habarlaıdy nv.kz.
Zardap shegýshiniń qoǵamdyq ókili Dına Smaılova túsindirip ótkendeı, joǵaryda atalǵan is zańnyń tórt baby boıynsha qozǵaldy. Jaraqattarynyń kóptigi, mıynyń zaqymdanýy saldarynan oǵan ota jasaldy. Tutqyndaýǵa sanktsııa joq, is boıynsha protsessýaldyq prokýror taǵaıyndalmaǵan.
Qazirgi kezde zardap shegýshi Nurgúl Qusylbekovanyń advokaty da joq, sondyqtan atalǵan is boıynsha bir ózi aınalysýda. Toǵyz aıdan keıin ǵana tergeý qarqyndy júrgizile bastady. Endigi kezde Qaraǵandylyq tergeýshi isti qaıta basynan bastamaq.
«Balqash polıtsııa qyzmetkerleri túk jasamaǵan», - dedi Nurgúl, - Ol maǵan sen qoryqpa, ony túrmege otyrǵyzamyz dedi. Oǵan sendim, biraq kezdesýdi keıinge qaldyra berdi. Іs uzaqqa sozylyp ketti. Aqyr sońynda bolǵan jaǵdaıdy barsha Qazaqstanǵa jarııaly etýden basqa amalym qalmady. Balqashta tergeýshini jaqtap, dálel az degen syltaýmen isti jaýyp tastady», - dedi Nurgúl. Ol ózine zııan keltirgen er adamdardyń taǵy da kesiri tıe me dep qaýiptenedi.
«Olardy ne úshin tutqyndamaı otyrǵanyn túsine almaı otyrmyn. Osy keleńsiz oqıǵadan keıin men densaýlyǵymdy, jumysymdy, jan tynyshtyǵymdy joǵalttym. Al qylmyskerler bolsa áli taırańdap bostandyqta júr. Men isti sońyna deıin jetkizemin», - deıdi zorlyq qurbany.
Eske salsa keteıik, osy jyldyń aqpanynda Balqash turǵyny Nurgúl Qusylbekovany eki er adam aıaýsyz zorlap, zıratqa aparyp, ózine kór qazýǵa májbúrlegen edi.
