«Zorlyq-zombylyqsyz otbasy» aktsııasyn ótkizýdiń barysy qarqyndy
ASTANA. Tamyzdyń 5-i. QazAqparat /Danıel Shaıynǵazın/ - Іshki ister mınıstrliginiń bastamasy boıynsha múddeli memlekettik organdardyń, Áıelder isteri jáne otbasy-demografııalyq saıasat jónindegi ulttyq komıssııa, bilim berý, densaýlyq saqtaý, prokýratýra, eńbek jáne halyqty áleýmettik qorǵaý jáne «Nur Otan» HDP ókilderiniń qatysýymen ústimizdegi jylǵy tamyzdyń 2-i men 8-i aralyǵynda respýblıka aýmaǵynda «Zorlyq-zombylyqsyz otbasy» aktsııasynyń ekinshi kezeńi ótýde, dep habarlady QR ІІM Ákimshilik polıtsııa komıtetinen.
Sharanyń negizgi maqsaty - turmystyq zorlyq-zombylyq problemalaryna jurtshylyqtyń jáne basqarý organdarynyń nazaryn aýdarý, qoǵamda áriptestikke jáne qarym-qatynastyń zorlyq-zombylyq tásilderin moıyndamaýǵa negizdelgen otbasy qarym-qatynastarynyń mádenıetin qalyptastyrý, zorlyq-zombylyqqa ushyraǵan otbasy múshelerine psıhologııalyq, pedagogıkalyq, quqyqtyq kómek kórsetý.
Aktsııaǵa ishki ister organdarynyń 7,5 myń qyzmetkeri jumyldyryldy. Sonymen qatar jergilikti atqarýshy organdardyń 3 myńǵa jýyq ókili, Áıelder isteri jáne otbasy-demografııalyq saıasat jónindegi ulttyq komıssııasynyń, prokýratýranyń, bilim berý organynyń, densaýlyq saqtaý organdarynyń, eńbek jáne halyqty áleýmettik qorǵaý organdarynyń, «Nur Otan» HDP-nyń jáne úkimettik emes uıymdardyń ókilderiniń qatysýy qamtamasyz etilgen.
Eki kúnniń qorytyndysy boıynsha Aktsııany ótkizý barysynda múddeli memlekettik organdar turǵylyqty jeri boıynsha 3,5 myń qolaısyz otbasyn tekserip, onyń barysynda eresekterge qatysty 400 jáne balalarǵa qatysty 76 zorlyq-zombylyq faktisi anyqtaldy. Anyqtalǵan faktiler boıynsha 200 qorǵaý nusqamasy shyǵarylyp, 400-den astam adam ákimshilik jaýapkershilikke tartyldy.
Barlyǵy 500-ge jýyq qolaısyz otbasyǵa kómek kórsetý týraly jergilikti atqarýshy organdarǵa qoldaýhattar jiberildi.
Zorlyq-zombylyqtan zardap shekken 1,5 myń adamǵa qatysty kómek kórsetildi. Aktsııany ótkizý barysynda zorlyq-zombylyqtan zardap shekken 100-ge jýyq azamat Daǵdarys ortalyqtaryna jiberildi.
