Zorlyq-zombylyq aktsııalary azamattardyń radıkaldanýyna sebepker bolady - QR UQK
ASTANA. QazAqparat - Árbir zorlyq-zombylyq aktsııasy azamattardyń radıkaldanýyn yntalandyrady. Búgin QR Parlamenti Májilisinde QR Ulttyq qaýipsizdik komıteti tóraǵasynyń orynbasary Marat Qalqabaev osylaı málim etti, dep habarlaıdy QazAqparat tilshisi.
«Árbir zorlyq-zombylyq aktsııasy bizdiń azamattardyń radıkaldanýy úderisin yntalandyrady. Aqtóbedegi sońǵy oqıǵadan keıin teraktilerdi daıarlaý kezeńindegi 7 radıkaldy top pen 4 bólek adamnyń áreketine tosqaýyl qoıyldy», - dedi Marat Qalqabaev.
Onyń sózine qaraǵanda, qaqtyǵys aımaǵynan tys jerlerge lańkestiktiń taralýy úrdisi aıqyndala tústi. Álemdegi sońǵy oqıǵalar lańkestik áreketter aımaǵynyń keńeıýine baǵyttalǵanyn aıqyn kórsetti.
Marat Qalqabaevtyń atap ótýinshe, Internette lańkestik ıdeıasyn nasıhattaýmen qatar, elderde teraktiler jasaý týraly sybaılastaryna úndeýler jıi kezdese bastaǵan.
Aıta keteıik, búgin QR Parlamenti Májilisi jalpy otyrysta Qazaqstan Respýblıkasynyń keıbir zańnamalyq aktilerine ekstremızmge jáne terrorızmge qarsy is-qımyl máseleleri boıynsha ózgerister men tolyqtyrýlar engizý týraly» zań jobasyn birinshi oqylymda maquldady.
