Zorlyq kórgen balalardyń 90% basyna túsken jaǵdaıdy jasyrady - Smaıylova
KÓKShETAÝ. QazAqparat - «Balalardy birge qorǵaıyq» jobasyn júzege asyrý aıasynda Qazaqstan Respýblıkasy Bas prokýratýrasynyń bastamasymen balalarǵa zorlyq - zombylyq kórsetýge qarsylyq jáne qylmystyq quqyq buzýshylyqtardyń aldyn alý maqsatynda «Ne molchı» qoǵamdyq qorynyń mamandary jumys saparymen Aqmola oblysynda boldy, dep habarlaıdy «QazAqparat» HAA tilshisi.
Oblystyq bilim basqarmasynyń májilis zalynda qala turǵyndarymen kezdesý bolyp ótti. Mańyzdy taqyrypty qamtıtyn arnaıy fılm kórsetildi. «Ne molchı» qoǵamdyq uıymynyń basshysy Dına Smaıylovanyń aıtýynsha, zorlyq - zombylyq kórgen balalardyń kóbi ony aıtýǵa nemese jarııalaýǵa bara qoımaıdy. Al, bul óz kezeginde qylmysty anyqtap, jolyn kesýge kedergi keltiredi.
«Jasóspirimderge jasalynatyn zorlyq - búkil qoǵam úshin qaterli. Ókinishke qaraı, zorlyq- zombylyqqa tap bolǵan balalardyń 90 paıyzy óziniń basyna túsken jaǵdaıdy jasyrady. Al, bul óz kezeginde qylmyskerlerdi anyqtaýǵa kesirin tıgizedi», - dedi Dına Smaıylova.
Atalǵan qoǵamdyq birlestiktiń belsendileri Kókshetaý, Şýchınsk, Stepnogorsk qalalary men Astrahan aýdandarynda 17 kezdesý ótkizdi. Kezdesýlerge barlyǵy 1500 adam qatysqan.
