Zorlyq kórdi degen oqýshyǵa qatysty tıisti saraptama taǵaıyndaldy -BǴM

NUR-SULTAN. QazAqparat - Balalardyń quqyqtaryn qorǵaý komıteti 1-synyp oqýshysyna qatysty jaǵdaıdy tekserip jatyr, dep habarlaıdy QazAqparat BǴM silteme jasap.

Keshe QR BǴM Balalardyń quqyqtaryn qorǵaý komıtetiniń tóraǵasy Esenǵazy Imanǵalıev pen Balalar quqyqtary jónindegi shtattan tys keńesshi Raısa Sher «Marııam» jekemenshik uıymynda oqıtyn 1-synyp oqýshysyna qatysty mán-jaılardy zertteý úshin Almatyǵa bardy.

Olar oqýshynyń otbasyna bardy. Balaǵa psıhologııalyq kómek kórsetilip jatyr. Sondaı-aq komıtet qyzmetkerleri Almaty qalasynyń quqyq qorǵaý organdarynyń ókilderimen kezdesti.

Eske sala keteıik, qazir qalalyq polıtsııa departamenti tergeý jumystaryn júrgizip jatyr jáne zorlyq-zombylyq áreketteriniń jasalǵanyn anyqtaý úshin saraptama taǵaıyndaldy.

Sonymen qatar olar Almaty qalasyndaǵy «Marııam» jekemenshik uıymynyń ákimshiligimen jáne ustazdarymen áńgimelesti.

Qurylǵan komıssııanyń tekserý nátıjesi boıynsha oqý-tárbıe jumysyn uıymdastyrýda, balalardyń qaýipsizdigin qamtamasyz etýde (beınebaqylaýdy qamtamasyz etý boıynsha tıisti talaptardy saqtamaý), qajetti sanıtarlyq-gıgıenalyq talaptardy qurýda (synypta jaryqtyń nasharlyǵy, jeldetý júıesiniń bolmaýy jáne t.b.) birqatar buzýshylyq anyqtaldy.

Qazirgi ýaqytta tekserý jumystary jalǵasyp jatyr. Onyń qorytyndysy boıynsha sharalar qabyldanady.