Zorlyq-zombylyqtan zardap shekkenderge 140 myńnan astam konsýltatsııa berildi
Elimizde úsh kúnde turmystyq zorlyq-zombylyqtan zardap shekkenderge 140 myńnan astam konsýltatsııa berildi. Bul týraly Kazinform Polisia.kz-ke silteme jasap habarlaıdy.
Otbasylyq-turmystyq qatynastar salasyndaǵy qylmystar men quqyq buzýshylyqtardyń aldyn alý maqsatynda «Zorlyq-zombylyqqa qarsy belsendiliktiń 16 kúni» atty jyl saıynǵy respýblıkalyq aktsııasy ótip jatyr.
Іs-sharanyń negizgi maqsaty — áıelder men balalarǵa qatysty jasalǵan turmystyq zorlyq-zombylyqtyń aldyn alý, agressorlarmen profılaktıkalyq jumys júrgizý, psıhologııalyq jáne zańgerlik kómek kórsetý, sondaı-aq turmystyq zorlyq-zombylyq qurbandaryna ońaltý qyzmetterin usynatyn mamandarmen ózara is-qımyl jasaý.
Aktsııa barysynda turmystyq zorlyq-zombylyqtan zardap shekkenderge óz quqyqtary týraly kóbirek bilýge jáne olardy paıdalanýǵa kómektesedi, sonymen qatar agressorǵa qalaı áser etý kerektigi týraly aıtady. Úsh kún ishinde 800-den astam qoǵamdyq is-shara uıymdastyryldy. Olar mobıldi aktsııalar, fleshmobtar, dárister, dóńgelek ústelder, trenıngter jáne taǵy basqa jıyn ótti.
Turmystyq zorlyq-zombylyqtan zardap shekkenderge 140 myńnan astam konsýltatsııa berildi. Olarǵa osy saladaǵy qoldanystaǵy zańnamany túsindiretin jadynamalar, daǵdarys ortalyqtarynyń baılanystary jáne «111», «150» senim telefondary beriledi.
Búgingi tańda 170 myńnan astam osyndaı úlestirme materıal taratyldy. Jergilikti atqarýshy organdar azamattardyń jappaı bolatyn oryndarynda quqyq qorǵaý organdarynyń bastamasy boıynsha bılbordtar ornatyp, plakattar men mańdaıshalar ornalastyrdy. Sonymen qatar turmystyq zorlyq-zombylyq salasyndaǵy quqyq buzýshylyqtardyń aldyn alý boıynsha jumystar kúsheıtildi.
Aktsııa bastalǵannan beri polıtseıler esepte turǵan 63 myńnan astam adamdy, onyń ishinde otbasy-turmystyq salada quqyq buzýshylyqqa jol beretin 9,5 myń adamdy, 5 myńnan astam áleýmettik osal otbasyn tekserdi.
Tekserý barysynda 400-den astam adam jaýapqa tartyldy, 325 qorǵaý uıǵarymy shyǵaryldy, sottar quqyq buzýshylardyń minez-qulqyna 62 erekshe talap qoıdy jáne 104 qolaısyz otbasy esepke qoıyldy. 2 myń buzýshylyq anyqtaldy, onyń ishinde 430 qorǵaý nusqamasynyń shekteýlerin saqtamaý, 833 ata-ananyń kámeletke tolmaǵandardy tárbıeleý jónindegi mindetterin oryndamaýy bar. Polıtsııaǵa túnde kóshede nemese oıyn-saýyq oryndarynda zańdy ókilderinsiz bolǵan 5 myń kámeletke tolmaǵan bala jetkizildi.
Polıtsııa árbir otbasylyq janjal boıynsha turmystyq zorlyq-zombylyqty qaıta jasaý qaýpin baǵalaý paraǵy toltyrylatynyn atap ótti. Qaıtalaný qaýpi joǵary otbasylar erekshe baqylaýǵa alynady, olar boıynsha jeke aldyn alý josparlary jasalady.
Mobıldi toptarda 70 myńnan astam otbasy bar, olardyń 500-den astamy ómirlik qıyn jaǵdaıǵa tap boldy. Múddeli memlekettik organdarǵa osyndaı otbasylarǵa kómek kórsetý týraly tıisti habarlamalar jiberildi. Bıyl aktsııaǵa 19 myń adam, onyń ishinde polıtsııa qyzmetkerleri, prokýratýra jáne sot ókilderi, bilim berý, halyqty áleýmettik qorǵaý, densaýlyq saqtaý organdarynyń qyzmetkerleri, úkimettik emes jáne halyqaralyq uıymdardyń ókilderi, eriktiler, stýdentter, ІІO qoǵamdyq kómekshileri, buqaralyq aqparat quraldarynyń ókilderi, blogerler men ártister jumyldyryldy.