Zorlyq-zombylyqqa tap bolǵan jaǵdaıda qaıda habarlasý kerek
Ótken jyly otbasyna jábir kórsetý isi boıynsha ákimshilik qamaýǵa alynǵan aıyptylardyń sany artsa, tatýlasqan otbasy sany 27 myńnan asqan, dep habarlaıdy Kazinform tilshisi.
«Otbasylyq zorlyq-zombylyq kórsetý faktisi tirkelgen soń ákimshilik is qozǵalady. Bul rette quqyq buzýshynyń sotta bir ret qana tatýlasýǵa quqyǵy bar. Sońǵy quqyqtyq baǵalaýdy sot sheshedi», - dedi Іshki ister mınıstrligi ákimshilik polıtsııa komıteti tóraǵasynyń orynbasary Renat Zulhaıyrov vedomstvoda ótken brıfıngide.
Mınıstrlik derekterine súıensek, ótken jyldyń ekinshi jartysynda 50 myń ótinish qaralyp, 30,6 myń materıal boıynsha ákimshilik is qozǵalǵan.
«Degenmen ákimshilik qamaýǵa alynǵan aıyptylardyń sany 2 ese artyp otyr. Odan bólek, sot arqyly 27 myńnan astam otbasy tatýlasty. Aıta ketsem, barlyq óńirde táýlik boıy «111» jáne «150» nómirli jedel jelisi jumys istep tur. Qońyraý shalǵan adamǵa keńes berilip qana qoımaı, qoldaý da kórsetiledi», - deıdi spıker.
