Zorlyq-zombylyqqa qarsy 16 kún aktsııasy bastaldy
Áıelderge qatysty kemsitýdiń barlyq túrin joıý týraly BUU Konventsııasynyń erejesine sáıkes jyl saıyn 25 qarashada áıelderge qatysty zorlyq-zombylyqty joıýdyń halyqaralyq kúni atap ótiledi.
Osyǵan oraı Іshki ister mınıstrligi 25 qarashadan 10 jeltoqsanǵa deıin múddeli memlekettik organdardyń, úkimettik emes jáne halyqaralyq uıymdardyń ókilderin, sondaı-aq jurtshylyqty tarta otyryp, respýblıka aýmaǵynda «Zorlyq-zombylyqqa qarsy belsendiliktiń 16 kúni» aktsııasyn ótkizedi.
Aktsııanyń maqsaty — áıelderge qatysty zorlyq-zombylyqtyń aldyn alý, boldyrmaý jáne jolyn kesý, ana men balany qorǵaý, sondaı-aq otbasylyq qundylyqtardy nasıhattaý.
— Aktsııany ótkizý barysynda ımıdjdik is-sharalardan bólek otbasynda quqyq buzýshylyq jasaýǵa beıim adamdardy, sondaı-aq jaısyz otbasylardy turǵylyqty jeri boıynsha tekserý josparlanǵan. Qurylǵan mobıldi toptar turmysy jaısyz otbasylar men ómirlik qıyn jaǵdaıǵa tap bolǵan otbasylarǵa keshendi kómek kórsetýge erekshe nazar aýdaratyn bolady. Agressorlarmen ákimshilik qamaýdy óteý kezeńinde profılaktıkalyq jumys jasaý úshin qoǵamnyń belsendi ókilderi jumyldyrylyp, arnaıy qabyldaǵyshtarǵa barý josparlanǵan. Qurmetti azamattar! Eger siz otbasylyq-turmystyq zorlyq-zombylyqtyń qurbany bolsańyz nemese osyndaı jaǵdaı týraly bilseńiz, ony jasyrýdyń qajeti joq. Polıtsııanyń 102 jedel arnasy únemi jumys isteıdi. Odan bólek elimizde jaqynda ǵana iske qosylǵan 111 tegin senim telefony bar, oǵan qońyraý shalyp, turmystyq zorlyq-zombylyq qurbandaryna kómek kórsetý baǵdarlamalary týraly keńes alýǵa bolady. Árbir shaqyrý boıynsha polıtsııa qyzmetkerleri jedel túrde sol jerge kelip, kináli adamdardy jaýapqa tartý úshin zańda kózdelgen barlyq sharalardy qabyldaıdy, — dedi QR ІІM ákimshilik polıtsııa komıtetiniń erekshe tapsyrmalar jónindegi aǵa ınspektory Aqmaral Serikbaeva.
