Zorlanǵan jasóspirim bosandy: Qyzylorda polıtsııasy aqparatty rastady
QYZYLORDA. KAZINFORM – Áleýmettik jelide Qyzylorda oblysynda 16 jastaǵy qyzdyń zorlanǵannan keıin dúnıege sábı ákelgeni týraly aqparat tarady. Aqparatty oblystyq polıtsııa departamenti rastady.
- Aryz negizinde kámeletke tolmaǵan adamdy zorlaý jáne 16 jasqa tolmaǵan adammen jynystyq qatynas jasaý derekteri boıynsha qylmystyq ister qozǵaldy. Eki kúdikti dereý ustalyp, sot sanktsııasymen qamaýǵa alyndy. Qazirgi ýaqytta qylmystyq isterdiń biri — 16 jasqa tolmaǵan adammen jynystyq qatynas jasaý deregi boıynsha is sotqa joldandy. Ekinshi qylmystyq is boıynsha qajetti keshendi tergeý jáne protsestik áreketter júrgizilip jatyr. Qylmystyq protseske qatysýshylardyń ýájderi tekserilip, dáleldemeler jınalyp, taldaý júrgiziledi. Tergeý organdary istiń mán-jaıyn muqııat anyqtap, zerdeleýge kiristi. Tolyq jáne jan-jaqty tergeý nátıjeleri boıynsha zańdy sheshim qabyldanady, - delingen habarlamada.
Qyzylorda oblystyq polıtsııa departamenti is basshylyqtyń erekshe baqylaýynda ekenin málimdedi. Polıtsııa azamattarǵa jalǵan aqparat taratqany úshin jaýapkershilik baryn eske salyp, resmı derekkózderge ǵana senýge shaqyrdy.
Eske salaıyq, BQO-da otyz jyl burynǵy qyz zorlaý deregine baılanysty qylmystyq is qozǵaldy.
