Zoobaqtar Qazaqstannyń faýnasyna tán emes ańdarmen tolyǵyp jatyr

ASTANA. KAZINFORM — Ekologııa jáne tabıǵı resýrstar mınıstrliginiń málimetinshe, olardyń negizgi bóligi úsh memlekettik zoologııalyq baqta mekendeıdi. 

Sońǵy bes jyl ishinde Qazaqstan zoobaqtarynyń kollektsııasy kelesi janýarlarmen tolyqty:

Jyrtqysh ańdar: 

— afrıkalyq arystan — 3,
— amýr jolbarysy — 13,
— pýma — 3,
— ıagýar — 1,
— qaraqal — 3,
— servalar — 2.

Soltústik ań túrleri:

— aq qasqyr — 2,
— aq aıý — 1.

Prımattar:

— aqqoldy gıbbon — 2,
— japon makakasy — 8,
— mysyq tárizdi lemýr — 2.

Qustar:

— tyrna (japondyq jáne tájdi) — 4,
— totyqustar jáne basqa da túrler.

Vedomstvonyń naqtylaýynsha, Qazaqstan faýnasyna tán emes janýarlar, negizinen, zoobaqtar arasynda ózara ań almasý tásilimen júzege asyrylady. Bul qadam janýarlar kollektsııasyn jańartýǵa, sondaı-aq ınbrıdıngtiń aldyn alýǵa múmkindik beredi. Ákelingen janýarlardyń basym bóligi TMD elderinen jetkizilgen. 

Aıta keteıik, búginde elimizde úsh memlekettik zoologııalyq baq jumys istep tur, ol Qaraǵandy, Almaty jáne Shymkent zoobaqtary.

Almaty memlekettik zoologııalyq baǵynda — 350 túr jáne 3 840 dara janýar bar, sonyń ishinde Qazaqstan tabıǵı faýnasyna tán emes janýarlar da mekendeıdi.

Qaraǵandy zoobaǵynda — 97 túr jáne 368 dara janýar bar.

Shymkent zoobaǵynda — 288 túr jáne 3 559 dara janýar bar, onyń ishinde Qazaqstan tabıǵatyna tán emes janýarlar da bar.

Eske salaıyq, bıyl 1 qańtardan bastap Qazaqstanda kóshpeli tsırkter men zoobaqtarǵa tyıym salyndy.