Almatydaǵy zilzala: Qala kóshelerinde kólikter keptelip qaldy

ALMATY. KAZINFORM — Almaty kóshelerinde jer silkinisinen keıin kólik keptelisi paıda boldy.

2GIS qosymshasynda Almatydaǵy keptelis deńgeıi segiz ball dep baǵalanǵan. 

Qala kósheleriniń basym bóligi qyzyl-sary túske boıalǵan, ásirese ál-Farabı, Abaı, Seıfýllın, Raıymbek, Nazarbaev dańǵyldary men Jeltoqsan, Sátbaev, Tóle bı kósheleri.

Almatyda 120-dan astam patrýldik polıtsııa ekıpajy jol qaýipsizdigin qamtamasyz etip jatyr.

«Almatyda jol jaǵdaıy turaqty jáne baqylaýda: baǵdarshamdar qalypty rejımde jumys istep tur, qalanyń negizgi kólik arterııalary qolmen retteýge kóshti.Jedel basqarý Ortalyǵynyń málimetinshe, ata-analardyń bir mezgilde balalaryn úılerine alyp ketýine baılanysty, qaladaǵy jalpy bilim beretin mektepter men balabaqshalar aýmaǵynda kólik qozǵalysy kóbeıgen», — dep atap ótti polıtsııadan.

Vedomstvodan atap ótkendeı, Almatydan barlyq baǵyttar boıynsha shyǵatyn jol ashyq.