Zııatkerlik menshik, avtorlyq quqyq: Qazaqstan Meta-men tájirıbe almaspaq

ASTANA. KAZINFORM — Elordada Ádilet mınıstrliginiń ókilderi Meta kompanııasynyń basshylarymen kezdesti. Bul týraly atalǵan vedomstvonyń baspasóz qyzmeti habarlaıdy.

Ádilet vıtse-mınıstri Botagóz Jaqselekova Meta kompanııasynyń Ortalyq Azııa jáne Shrı-Lanka boıynsha qoǵamdyq saıasat bóliminiń basshysy Senýra Abeıvardenmen kezdesti.

— Sharada tsıfrlyq platformalarda zııatkerlik menshik nysandaryn paıdalaný máseleleri, sondaı-aq yntymaqtastyqty odan ári damytý jáne tájirıbe almasý taqyryby talqylandy. 9 sáýirde Qazaqstandyq avtorlar qoǵamy men Meta kompanııasy arasynda qazaqstandyq avtorlar men quqyq ıelenýshilerdiń avtorlyq quqyq jáne sabaqtas quqyqtaryn paıdalaný máselelerin retteý jónindegi kelisim jasaldy, — delingen habarlamada.

Osylaısha tsıfrlyq platformalarda avtorlyq quqyqty saqtaý tetikterin talqylaý jáne zııatkerlik menshik salasyndaǵy yntymaqtasty kúsheıtý máselesin qarastyrǵan qos tarap aldaǵy ýaqytta da tyǵyz baılanysta jumysty jalǵastyrýǵa ýaǵdalasty.

Birneshe kún buryn Meta men «Qazaqstannyń avtorlyq qoǵamy» RQB Instagram jáne Facebook platformalarynda qazaqstandyq mýzykany paıdalaný máselesin retteıtin shartqa qol qoıdy. 

Sondaı-aq Instagram jelisinde qazaqstandyq avtorlardyń mýzykasy qaıta paıda boldy.