Zııatkerlik menshik salasyndaǵy zańnamany jetildirý ózekti máselelerdiń biri - Z.Balıeva
ASTANA. 24 mamyr. QazAqparat /Aıdar Ospanalıev/ - «Zııatkerlik menshiktiń qorǵanys deńgeıi tıisti normatıvti-quqyqtyq aktiler men onyń tıimdiligine baılanysty. Eń bastysy zań talaptary durys jumys isteýi kerek.
Qazaqstannyń zııatkerlik menshik salasyndaǵy zańnamalary qalyptastyp bitti. Álemde sandyq tehnologııalardyń damý qarqynyn eskersek, zııatkerlik menshik salasyndaǵy zańnamany jetildirý ózekti máselelerdiń biri bolmaq», - deıdi Májilis depýtaty Zaǵıpa Balıeva. Bul týraly ol búgin «Qazaqstan Respýblıkasynyń keıbir zańnamalyq aktilerine zııatkerlik menshik máseleleri boıynsha ózgerister men tolyqtyrýlar engizý týraly» zań jobasy boıynsha ótken dóńgelek ústel otyrysynda aıtty.
Depýtattyń pikirinshe, qazir ǵylymı-tehnıkalyq progrestiń órkendep, zııatkerlik menshikpen baılanysty máseleler aldyńǵy orynǵa shyqqan kez. Osyǵan qaraı zııatkerlik menshikti qorǵaý - ekonomıkalyq jáne saýda salasymen tyǵyz baılanysty mindetter retinde qarastyrylyp otyr. «Máseleniń mańyzdylyǵyna baılanysty ol tek belgili bir memleket deńgeıinde ǵana emes, búkil álemde talqylanýda. Búgingi kún tártibine shyǵarylyp otyrǵan taqyryptyń mańyzdylyǵyna tek elde qaraqshylyq jolmen alynǵan ónimderdiń bolýyna nemese elimizdiń Dúnıejúzilik saýda uıymyna ený mindetterimen ǵana baılanysty emes. Atalǵandarmen qosa qazir qalyń kópshilik te zııatkerlik menshiktiń qundylyqtaryn jete túsine bastady. Osy oraıda bizge zııatkerlik menshikterin quqyqtaryn qamtamasyz etýge kúsh salýymyz kerek»,-deıdi Z.Balıeva.
Dóńgelek ústel otyrysynda oǵan qatysýshylar zııatkerlik menshikke qatysty qalyptasqan máseleler men ony zańnamalyq qamtamasyz etý mindetteri jóninde ózara pikir almasty.
