Zııatkerlik menshik salasyndaǵy zańnamada qandaı ózgerister bolady
«Zańnamany odan ári jetildirýge qatysty QR Parlamentiniń depýtattary zııatkerlik menshik máseleleri boıynsha zańnamalyq túzetýlerdi usyndy. Túzetýler Parlamentte barlyq múddeli taraptar: avtorlyq qoǵamdastyqtar, patenttik senim bildirilgen ókilder, kásipkerler, halyqaralyq jáne ulttyq sarapshylar shaqyrylatyn jumys toptary barysynda qaralady jáne talqylanady», - dedi A. Ahmetova Ortalyq kommýnıkatsııalar qyzmetinde.
Onyń aıtýynsha, túzetýler ujymdyq uıymdar qyzmetiniń ashyqtyǵy men tıimdiligin arttyrýǵa, «geografııalyq kórsetkish» jańa ónerkásiptik menshik obektisin qorǵaýdy engizýge, tirkelmegen ónerkásiptik úlgilerge qatysty qysqa merzimdi qorǵaýdy usynýǵa, taýar tańbalary, geografııalyq kórsetkishter jáne taýar shyǵarylǵan jerdiń ataýlary boıynsha «oppozıtsııalyq» júıeni engizýge (ótinim satysynda tirkeýge qarsylyq bildirý múmkindigi), patenttik senim bildirilgen ókilderdiń qyzmetin retteýge baǵyttalǵan.
Quqyqtardy ujymdyq basqarý salasynda:
- avtorlardyń nemese quqyq ıelenýshilerdiń quqyqtaryn bir ǵana uıymnyń nemese kólemi, aýmaǵy jáne basqarý salalary boıynsha shekteýi bar birneshe uıymnyń quqyqtardy ujymdyq basqarýǵa berý;
- paıdalanýshylarmen jasalatyn sharttar jáne aýdıtorlyq qorytyndylar týraly egjeı-tegjeıli aqparatty ınternet-resýrsta ornalastyrý jónindegi mindetter;
- uıymnyń naqty shyǵystaryn jabýǵa arnalǵan, sondaı-aq arnaıy qorlarǵa jiberiletin somany naqtylaý (jınalǵan syıaqynyń jalpy somasynyń 30% - ynan aspaýy tıis)
- uıymdardy akkredıtteýden aıyrylýy tıis zań buzýshylyqtardyń túrleri tolyqtyrylady;
- uıymnyń ınternet-resýrstaryndaǵy jeke kabınetter arqyly avtorlar men quqyq ıelenýshilerge jınalǵan syıaqy, ustalǵan somalar týraly esepterdi jiberý boıynsha uıymdar mindeti engiziledi.
Zań jobasynda «Avtorlyq quqyq jáne sabaqtas quqyqtar týraly» Zańnyń 19-babyna tsıfrlanǵan oqý materıaldaryn oqý protsesi barysynda syıaqy tólemeı erkin paıdalaný múmkindigine qatysty tolyqtyrý engizý usynylady.
«Qazaqstannyń zańnamasyna «geografııalyq kórsetkish» geografııalyq kórsetkishter uǵymyn engizý taýarlar shyǵarylǵan jerlerdiń ataýlarynan bólek tirkeýge múmkindik beredi. Osy ónerkásiptik menshik obektileri boıynsha Qazaqstannyń eki jeke memlekettik tizilimi júrgiziletin bolady. Geografııalyq kórsetkishter men taýar shyǵarylǵan jerlerdiń ataýlaryn bólek qorǵaýdy usyný otandyq óndirýshilerdiń quqyqtaryn iske asyrý múmkindikterin keńeıtedi jáne ulttyq brendteýdi damytýǵa oń áser etedi», - dedi Aqerke Ahmetova.
Onyń sózine qaraǵanda, tirkelmegen ónerkásiptik úlgilerge qysqa merzimdi qorǵaý usyný quqyq ıelenýshilerdi biregeı buıymdardyń syrtqy túrin tikeleı kóshirýden qorǵaý maqsatynda júzege asyrylady. Tirkelmegen ónerkásiptik úlgini qorǵaý qujaty Qazaqstan Respýblıkasynda alǵash ret jarııalanǵannan (ashylǵannan) keıin 3 jyl boıy tirkelmeı jáne berilmeı qorǵalatyn bolady.
«Sonymen qatar, «Oppozıtsııalyq» júıe dep atalatyn taýar belgilerin, geografııalyq kórsetkishterdi jáne taýar shyǵarylǵan jerlerdiń ataýlaryn tirkeýge ótinimderdi qaraý satysynda qarsylyqtar engizý múmkindigi kóptegen ozyq elderdiń tájirıbesine sáıkes keledi. Bul ózgerister 2018 jylǵy iske asyrylǵan zańnamalyq túzetýlerden keıingi kelesi qadam bolyp otyr. Bul osy obektilerdi tirkeýge baılanysty daýlar sanyn azaıtýǵa yqpal etedi jáne zııatkerlik menshik obektilerine quqyq ıelenýshilerdiń quqyqtaryn saqtaýdy jáne qorǵaýdy jetildirýge múmkindik beredi», - dedi vıtse-mınıstr.
