Zııatkerlik menshik salasyndaǵy basy artyq ákimshilik kedergiler joıylady
ASTANA. 14 jeltoqsan. QazAqparat /Qanat Mámetqazyuly/ - Búgin QR Parlamenti Senatynyń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine zııatkerlik menshik máseleleri boıynsha ózgerister men tolyqtyrýlar engizý týraly» zań jobasyn birinshi oqylymda maquldady.
Zań jobasy aldyńǵy qatarly sandyq, aqparattyq tehnologııalardy keńinen paıdalanýǵa baılanysty patenttik quqyqtyń jekelegen qaǵıdattaryn modıfıkatsııalaýdy kózdeıdi. Zııatkerlik menshik quqyǵy nysandaryna dástúrli kózqarasty qaıta qaraý qamtylady.
Budan basqa, zań jobasymen qoldanystaǵy ulttyq zańnamamyz Zııatkerlik menshik quqyǵynyń saýdalyq aspektileri jónindegi kelisiminiń talaptaryna sáıkes keltiriledi. Zııatkerlik menshik quqyǵy salasyndaǵy basy artyq ákimshilik kedergiler joıylady.
Osylarmen qatar, zań jobasymen Internet jelisinde avtorlyq jáne sabaqtas quqyqtar nysandaryn zańsyz paıdalanǵany úshin qylmystyq jáne ákimshilik jaýaptylyq engiziletin bolady.
Birinshi oqylymda maquldanǵan zań jobasy, ekinshi oqylymǵa ázirleý úshin bas komıtetke tapsyryldy.
