Zııatkerlik menshik salasyn jetildirýde Jol kartasy iske asyrylady
Aıta keteıik, vıtse-mınıstr zııatkerlik menshik salasyndaǵy zańnamany ózgertýge qatysty túsinik bergen bolatyn.
«Salany ary qaraı damytý maqsatynda qazirgi ýaqytta zııatkerlik menshik salasyn odan ári jetildirý jónindegi kelesi úsh jyldyq kezeńge arnalǵan Jol kartasy ázirlendi. Jol kartasynda Dúnıejúzilik zııatkerlik menshik uıymy ortalyqtarynyń úlgisi boıynsha tehnologııalar men ınnovatsııalardy qoldaýdyń ortalyqtandyrylǵan ortalyǵyn (TIQO) qurý eskerilgen», - dedi A. Ahmetova Ortalyq kommýnıkatsııalar qyzmetinde.
Sonymen qatar, qujat aıasynda qolda bar ınnovatsııalyq qoldaý jobalary aıasynda halyqaralyq patentteýdi sýbsıdııalaý tetigin ázirleý, zertteýlerdi qarjylandyrý bóliginde joǵary oqý oryndary men ǵylymı-zertteý ınstıtýttaryn memlekettik qoldaýdy ulǵaıtý, ulttyq ónertapqyshtardy ónertabystardy kommertsııalandyrý máseleleri boıynsha oqytýdy júrgizý, ınnovatsııalardy yntalandyrý jáne tehnologııalardy berý jónindegi tájirıbeni zerdeleý úshin EO elderine, Qytaıǵa, Ońtústik Koreıaǵa jáne Japonııaǵa oqý saparlaryn uıymdastyrý, ǴZI ǵylymı qyzmetkerleri, ǵalymdar men JOO oqytýshylary úshin zııatkerlik menshik jáne patenttaný salasyndaǵy biliktilikti arttyrý qarastyrylǵan.
«Jol kartasy zııatkerlik menshikti saqtaý jáne qorǵaý máseleleri quzyretine jatatyn múddeli memlekettik organdarmen jáne uıymdarmen birlesip iske asyrylatyn bolady», - dedi vıtse mınıstr.
