Zııatkerlik menshik máselelerin retteýge baǵyttalǵan zań jobasy ekinshi oqylymda maquldandy
ASTANA. 9 qarasha. QazAqparat - Búgin QR Parlamenti Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine zııatkerlik menshik máseleleri boıynsha ózgerister men tolyqtyrýlar engizý týraly» zań jobasy ekinshi oqylymda depýtattar talqysyna shyǵaryldy,
dep habarlaıdy Májilistiń baspasóz qyzmeti.
Osy zań jobasynda zııatkerlik menshik quqyqtary máselelerin retteıtin Qazaqstan Respýblıkasynyń qoldanystaǵy zańnamalyq aktilerine ózgerister men tolyqtyrýlar engizý kózdelgen.
Zań jobasynda qarastyrylyp otyrǵan, basqa zańnamalyq aktilerge engiziletin túzetýler ishki qaıshylyqtardy joıýǵa, patenttik senim bildirilgen ókilder mártebesin zań júzinde bekitýge, sondaı-aq ónerkásiptik menshik obektilerine ótinimderdi qaraý merzimin qysqartýǵa baǵyttalǵan.
Májilis depýtattary zań jobasyn maquldaý týraly ortaq sheshimge keldi.
