Zııatkerlik menshik quqyqtaryn qorǵaýda ádilet jáne ishki ister organdary kúsh biriktiredi - komıssııa otyrysy
ASTANA. Qyrkúıektiń 17-si. QazAqparat /Jasulan Amanbaıuly/ - 2010 jyldyń birinshi jartyjyldyǵynda Qazaqstanda 170-ke tarta zııatkerlik jáne avtorlyq quqyq buzýshylyqtar anyqtaldy. Bul jaıynda búgin QR Ádilet mınıstrliginde Zııatkerlik menshik quqyqtaryn qorǵaý jónindegi komıssııanyń birinshi otyrysynda aıtyldy.
Komıssııa jumysynyń barysynda Zııatkerlik menshik quqyqtaryn qorǵaý ádilet organdary men quqyq qorǵaý organdarynyń arasynda ózara árekettestik jáne áriptestik qatynastar ornatý kelisimderi júrgizildi. Sondaı-aq Qazaqstanda zııatkerlik menshik quqyqtaryn jáne ınternet jelisindegi avtorlyq jáne sabaqtas quqyqtardy qorǵaý máseleleri talqylanyp, ony sheshýdiń joldary saralandy.
Zııatkerlik menshik quqyǵy komıtetiniń tóraıymy L. Stambekovanyń málimetinshe, Zańsyz aınalymnan 22 mln. teńgeniń kontrafaktili zattary alynyp tastaldy. Ákimshilik jaýapkershilikke 127 adam tartyldy. Olardan 2,5 mıllıon teńgeden asatyn aıyppul óndirip alynǵan.
Komıssııanyń birinshi otyrysynda Komıssııa quramy men erejesi bekitildi. Oǵan Bas prokýratýra, Qarjy polıtsııasy, Іshki ister mınıstrligi, Ádilet mınıstrliginiń mamandardy kirdi. Sonymen qatar bul quramǵa úkimettik emes uıymdardyń, qoǵamdyq jáne ǵylymı ortalyqtardyń ókilderin qosý jóninde de usynystar jasaldy.
