Zııatkerlik menshik quqyǵynyń qorǵalýy elimizdiń álem tórinen alar ornyn aıshyqtaıtyn negizgi faktorlardyń biri - QR Joǵarǵy sotynyń tóraǵasy
ASTANA. 24 qarasha. QazAqparat /Marlan Jıembaı/ - Zııatkerlik menshik quqyǵynyń qorǵalýy álem tórinde memleketimizdiń alar ornyn aıshyqtap beretin negizgi faktorlardyń biri.
Bul pikirdi búgin elordada ótken «Qazaqstan Respýblıkasyndaǵy zııatkerlik menshik quqyqty sottyń qorǵaýy: sońǵy tendentsııalary jáne keleshegi» atty halyqaralyq ǵylymı-tájirıbelik konferentsııa barysynda QR Joǵarǵy sotynyń tóraǵasy Musabek Álimbekov bildirdi.
«Zııatkerlik menshik quqyǵynyń qorǵalýy álem tórinde memleketimizdiń alar ornyn aıshyqtap beretin negizgi faktorlardyń birine aınalýda. Qorǵalýdyń senimdi deńgeıi ǵylymı zertteýlerdi, mádenıettiń, ádebıet pen ónerdiń, ǵylym men tehnıka jetistikterin tájirıbede paıdalanýdy jáne olardyń halyqaralyq almasýlaryn belsendiredi», - dedi ol.
Sondaı-aq M.Álimbekov óz sózinde zııatkerlik menshik quqyǵynyń tıimdi qorǵalýy memleketimizdiń ekonomıkalyq jáne quqyqtyq saıasatynyń eń negizgi baǵyttarynyń biri bolýy tıis ekendigin basa aıtty.
Konferentsııa nátıjesi boıynsha zııatkerlik menshik quqyǵyn qorǵaýǵa arnalǵan usynystar men materıaldardan jınaq shyǵarylmaq. Sondaı-aq aǵymdaǵy jyly osy salada týyndaǵan daýlardy qaraýǵa baılanysty tájirıbelik oqý quralyn jaryqqa shyǵarý kózdelgen. Al 2011 jyldyń basynda búgin ótken ǵylymı-tájirıbelik konferentsııanyń nátıjesi boıynsha halyqaralyq mamandar men ǵalymdardyń oı-pikiri toptastyrylǵan monografııa basylady.
