Zııatkerlik menshik quqyǵyn tirkeýdegi ákimshilik kedergiler joıylady
QR-nyń keıbir zańnamalyq aktilerine zııatkerlik menshik salasyn quqyqtyq retteý máseleleri boıynsha ózgerister men tolyqtyrýlar engizý týraly zań jobasynda osy maqsatta biraz sharalar qarastyrylypty.
Ádilet mınıstri Berik Imashevtiń aıtýynsha, ondaǵy engizilip otyrǵan normalar birneshe máseleni qamtıdy. Sonyń biri tájirıbede jıi baıqalyp otyrǵan ujymdyq negizde múliktik quqyqtardy basqaratyn uıymdardyń tarapynan baıqalyp otyrǵan keleńsiz áreketke shek qoıý. Búginde osyndaı uıymdar jınalǵan syıaqynyń kóp bóligin óziniń jeke shyǵystaryn óteýge qaldyratyn faktiler az emes eken. Jańa qujat boıynsha endi olardyń tarapynan óz quzyretin asyra paıdalanýdy joıý maqsatynda uıymnyń syıaqyny jınaý, bólý jáne tóleý boıynsha óziniń naqty shyǵystaryn óteýge jınalǵan syıaqydan ustalatyn somanyń shekti paıyzyn belgileý usynylyp otyr. Berik Imashevtiń aıtýynsha, qoldanystaǵy zańnama boıynsha mundaı shekteý joq. Halyqaralyq tájirıbeni eskere otyryp, zań jobasynda jınalǵan syıaqy somasynyń 30 paıyzynan aspaıtyn mólsherinde belgileý usynyldy.
Zań jobasynyń taǵy bir mańyzdy jańalyǵy akkredıtatsııa alýǵa úmitker ujymdyq uıymdarǵa qoıylatyn biliktilik talaptaryn, sondaı-aq akkredıtatsııalaý týraly kýálikti qaıtaryp alý negizderiniń naqtylanýy. Qujatty daıyndaý barysynda sheshilgen bir másele - taýar tańbasyna quqyqtardy basqaǵa berý sharasynyń alynyp tastalǵany. Imashev myrzanyń aıtýynsha, bul sheshim taýar tańbalarynyń paıdalanylǵanyn dáleldeý barysynda keıde quqyqtardy berý týraly jalǵan sharttar usynylatyndyqtan (máselen, paıdalanylmaıtyn etıketkalar jáne t.s.s.), osy turǵyda kásipkerler tarapynan oryn alatyn zańsyz áreketterdiń aldyn alý maqsatynda engizilipti. Ónertabysty qorǵaý qujatynyń túri retinde ınnovatsııalyq patentti alyp tastaýdy kózdeıtin Patent zańyna túzetýler de búgingi kún suranysy. Mınıstr myrza munyń álemde belgili ónertabystardy patentteýdi boldyrmaýǵa múmkindik beretin atap kórsetti. Sebebi ınnovatsııalyq patent jergilikti jańalyqqa arnalǵan (QR aýmaǵyndaǵy jańalyq) tekserý nátıjeleri boıynsha berilmek.
Sondaı-aq, mınıstr myrza jańa qujat boıynsha engizilip otyrǵan ózgeristerdiń barlyǵy múddeli memlekettik organdardyń, ǵylymı uıymdardyń, kásipkerler men patenttik senim bildirýshilerdiń qoǵamdyq birlestikteriniń qatysýymen talqylanyp, ázirlengenin qadap aıtty.
