Zııatkerlik menshik quqyǵy komıtetiniń saıty buzyldy
ASTANA. 8 aqpan. QazAqparat - Aǵymdaǵy jylǵy aqpannyń 6-nan 7-sine qaraǵan túni Qazaqstan Respýblıkasy Ádilet mınıstrligi Zııatkerlik menshik quqyǵy komıtetiniń saıty buzyldy.
Atalǵan vedomstvonyń baspasóz qyzmetiniń málimetinshe, komıtet saıtynyń ákimshisi zııatkerlik menshik máseleleri boıynsha Qazaqstan Respýblıkasynyń keıbir zańnamalyq aktilerine engizilgen ózgertýlerge qarsylyǵyn habarlaıtyn banner belgisiz tulǵalarmen 7 aqpanda, túngi saǵat 3-te ornalastyrylǵanyn anyqtady.
Zańsyz ornalastyrylǵan bannerdi komıtet saıtynyń ákimshisi 7 aqpanda tańerteń alyp tastaǵan kórinedi. Qazirgi ýaqytta zańsyz áreketter jasalǵan kompıýterdiń IP mekenjaıy men ornalasqan jeri anyqtaldy.
Ýákiletti organdarmen zańda belgilengen tártip boıynsha kináli tulǵalardy jaýapkershilikke tartý boıynsha sharalar qabyldanady.
Osy oraıda aǵymdaǵy jylǵy 12 qańtarda qabyldanǵan «Qazaqstan Respýblıkasynyń keıbir zańnamalyq aktilerine zııatkerlik menshik máseleleri boıynsha ózgerister men tolyqtyrýlar engizý týraly» Zańy boıynsha Ádilet mınıstrligi 9 aqpanda baspasóz máslıhatyn ótkizbek. Baspasóz máslıhat barysynda qabyldanǵan túzetýlerge qatysty suraqtarǵa jaýap beriledi.
