Zııatkerlik menshik quqyǵy komıtetiniń derbes saıtyn buzǵan kompıýterdiń ornalasqan jeri anyqtaldy

dep habarlaıdy QR Ádilet mınıstrliginiń baspasóz qyzmeti.

 Eske sala keteıik, aqpannyń 6-nan 7-sine qaraǵan túni QR Ádilet mınıstrligi Zııatkerlik menshik quqyǵy komıtetiniń saıty buzylǵan bolatyn. Onda belgisiz tulǵalarmen zııatkerlik menshik máseleleri boıynsha QR keıbir zańnamalyq aktilerine engizilgen ózgertýlerge qarsylyǵyn habarlaıtyn banner ornalastyryldy.

 «Qazirgi ýaqytta zańsyz áreketter jasalǵan kompıýterdiń IP meken-jaıy men ornalasqan jeri anyqtaldy. Ýákiletti organdarmen zańda belgilengen tártipke sáıkes kináli tulǵalardy jaýapkershilikke tartý boıynsha sharalar qabyldanady», - delingen vedomstvo habarlamasynda.

 Sonymen qatar, aǵymdaǵy jylǵy 12 qańtarda qabyldanǵan «Qazaqstan Respýblıkasynyń keıbir zańnamalyq aktilerine zııatkerlik menshik máseleleri boıynsha ózgerister men tolyqtyrýlar engizý týraly» Zańǵa qarsy tulǵalardyń málimetine Ádilet mınıstrligi 9 aqpanda saǵat 11.00-de baspasóz máslıhat ótkizetinin habarlaıdy. Baspasóz máslıhat barysynda qabyldanǵan túzetýlerge qatysty suraqtarǵa jaýap berilmek.