Zııatkerlik marafonnyń mádenı-tanymdyq aýysymyna Astanaǵa aımaqtardan 140 bala shaqyryldy
ASTANA. Jeltoqsannyń 28-i. QazAqparat - Daryndy balalardy, ásirese aýyldyq jerlerdegi daryndardy anyqtaý jáne olarǵa qoldaý kórsetý maqsatynda 3-10 synyp oqýshylarynyń arasynda dástúrli «Aqbota» respýblıkalyq zııatkerlik marafony ótip turady. Jáne de Zııatkerilk marafonnyń qorytyndysy boıynsha jyl saıyn mádenı-tanymdyq aýysym ótkiziledi.
Aǵymdaǵy jyly elimizdiń barlyq óńirinen 140 bala Astanaǵa shaqyryldy. Mádenı-tanymdyq aýysym jeltoqsannyń 23-i men 29-y aralyǵynda, Jańa jyl meıramy qarsańynda ótti, dep habarlady «Daryn» respýblıkalyq ǵylymı-tájirıbelik ortalyǵynyń baspasóz qyzmetinen.
Qatysýshylar úshin arnaıy baǵdarlama ázirlendi. Kóp oqýshylar Astanaǵa alǵash ret kelip otyrǵandyqtan, olar úshin tanysý ekskýrsııalary uıymdastyryldy. Balalar «Astana-Báıterek» monýmentinde, Prezıdenttik mádenıet ortalyǵynda, «Dýman» oıyn-saýyq kesheninde boldy.
Olar sondaı-aq, túrli konkýrstar men jarystarǵa, trenıngterge belsendi qatysty. Mádenı-tanymdyq aýysymnyń sońynda jańajyldyq shyrsha merekesi uıymdastyrylyp, balalarǵa syılyqtar jáne sertıfıkattar tabys etildi.
