Zııankestermen kúreske 5 mlrd teńge jumsalady - mınıstrlik
Mınıstrdiń aıtýynsha, qazirgi ýaqytta egistikterdiń jaı-kúıi qanaǵattanarlyq jaǵdaıda. Dándi daqyldar túptenip, sabaqtaný fazasyna endi. Jalpy, kóktemgi egis alańy 19 mln gektardy quraǵan.
«Egindi aman-esen saqtap qalyp, sapaly ónim alý úshin qazir eń aldymen qorǵaý is-sharalaryn júrgizýge erekshe kóńil bólý qajet. 2019 jyly 3,9 mln gektar alańda asa qaýipti zııandy organızmderge, onyń ishinde 2,3 mln gektarda dándi daqyldar aýrýlaryna jáne 950,4 myń gektarda úıirli shegirtke tektes zııankesterge qarsy óńdeý jumystary júrgiziledi. Asa qaýipti zııandy organızmderden qorǵaý sharalaryn uıymdastyrý úshin respýblıkalyq bıýdjetten 4,9 mlrd teńge, onyń ishinde úıirli shegirtke tektes zııankestermen kúresýge 2,1 mlrd teńge bólingen», - dedi mınıstr QR Ortalyq kommýnıkatsııalar qyzmetinde.
Sondaı-aq, karantındik, fıtosanıtarııalyq is-sharalardy jedel júrgizý nátıjesinde elimizdegi asa qaýipti zııandy organızmder men karantındik nysandar alańy 2 esege azaıǵan. Máselen, karantındik óńdeý alqaby 2015 jyly 7,3 mln gektar bolsa, bıyl - 3,9 mln gektarǵa deıin qysqarǵan.