Zııandy oıynshyqtardyń basym bóligi Qytaı men Túrkııadan jetkiziledi - Birtanov
Jyl basynan beri 38 myńnan astam ónimniń sapasy jan-jaqty zerdelendi, dep habarlaıdy QazAqparat tilshisi.
"Tamaq ónimderiniń 7,3 paıyzy talapqa saı emes bolyp shyqty. Sonyń basym bóligi - shetelden keletin taýarlar. Jalpy, 172 myń tonnadan astam taýarlar ýtılızatsııaǵa jiberildi. Sebebi xalyq densaýlyǵyna zııandy. Atalǵan taýarlardyń ishinde balalarǵa arnalǵan ónimder de az emes. Osy oraıda oıynshyqtardyń 36,6 paıyzy balalar úshin zııandy ekenin erekshe atap ótken jón. Ondaı oıynshyqtardyń quramynda ýly zattar, ıa bolmasa, jaraqat salý qaýpi bar. Ondaı oıynshyqtardyń basym bóligi Qytaı men Túrkııadan jetkiziledi", - dedi E.Birtanov Úkimettiń búgingi otyrysynda.
Mınıstrdiń aıtýynsha, tekserister kezinde syrttan taýar tasyp júrgen 50 kásipker anyqtalǵan. Olar 52 myńnan astam taýar túrin alyp kelgen. Sonyń ishinde jeńil ónerkásip taýarlary, oıynshyqtar men tamaq ónimderi bar. "Jalpy, tekseristerdiń nátıjesi boıynsha 107 sot sheshimi shyǵaryldy. 20 mıllıon teńgege aıyppuldar salyndy", - dep atap kórsetti mınıstr.